Vindur fyrir norðan og rigning og þoku­súld vestan­lands

Á morgun verður minnkandi vestanátt, gola eða kaldi síðdegis. Bjart með köflum á Suðaustur- og Austurlandi, annars skýjað og dálítil væta. Hiti sex til 14 stig, mildast suðaustantil.

Á fimmtudag er útlit fyrir hæglætisveður á landinu, þurrt að mestu og milt.

Á vef Vegagerðar má sjá að víðast hvar um landið er greiðfært. Nánar um færð á vef Vegagerðar og veður á vef Veðurstofu.

Veðurhorfur á landinu næstu daga

Á miðvikudag:

Vestan 8-15 m/s, en 5-10 síðdegis. Skýjað og dálítil væta, en bjart með köflum suðaustan- og austanlands. Hiti 6 til 13 stig, mildast austantil.

Á fimmtudag:

Hæg vestlæg eða breytileg átt og skýjað með köflum, en léttir til um landið norðanvert. Hiti 4 til 10 stig yfir daginn.

Á föstudag:

Suðvestan 8-13 norðvestanlands, annars hægari vindur. Skýjað og yfirleitt þurrt vestantil á landinu, en léttskýjað eystra. Hiti breytist lítið.

Á laugardag:

Norðlæg átt og skýjað með köflum. Heldur kólnandi.

Á sunnudag:

Suðlæg eða breytileg átt, skýjað og stöku skúrir vestanlands. Hiti 3 til 8 stig, en nálægt frostmarki eystra.

Á mánudag:

Útlit fyrir suðvestanátt með vætu norðan- og vestanlands.