Veður

Allt að á­tján stig fyrir austan á morgun

Jón Ísak Ragnarsson skrifar
Hitinn gæti náð 18 stigum á Egilsstöðum á morgun.
Hitinn gæti náð 18 stigum á Egilsstöðum á morgun. vísir/vilhelm

Útlit er fyrir rigningu og þokusúld víða á landinu í dag, úrkomulítið á norðanverðu landinu framan af degi en rigning eftir hádegi. Á morgun verður minnkandi suðvestanátt, rigning með köflum en þurrt að kalla fyrir austan. Hiti 10 - 18 stig, hlýjast fyrir austan.

Í hugleiðingum veðurfræðings segir að í dag verði suðlæg eða breytileg átt 5-10 metrar á sekúndu. Síðdegis muni hvessa, einkum vestantil. Hiti 5 - 14 stig, svalast við norðausturströndina.

Veðurhorfur á landinu

Suðlæg eða breytileg átt 5-10 m/s og rigning eða þokusúld með köflum, en þurrt að kalla norðaustanlands framan eftir degi. Gengur í suðaustan og sunnan 5-13 eftir hádegi. Suðaustan 8-15 vestantil í kvöld. Hiti 5 til 14 stig, svalast við norðausturströndina.

Minnkandi suðvestanátt á morgun, 5-10 m/s síðdegis. Rigning eða súld, en úrkomulítið á norðaustanverðu landinu. Styttir upp norðan- og vestanlands þegar líður á daginn. Hiti 10 til 18 stig, hlýjast norðaustantil.

Veðurhorfur á landinu næstu daga

Á mánudag:

Sunnan og suðvestan 5-13 m/s, hvassast við suðausturströndina. Rigning eða súld, en þurrt á Norðaustur- og Austurlandi. Hiti 8 til 14 stig.

Á þriðjudag:

Suðvestan 5-10 m/s, en 10-15 norðan- og norðvestantil. Dálítil rignig eða súld af og til, en að mestu bjart austantil. Hiti 7 til 14 stig.

Á miðvikudag:

Minnkandi vestanátt, skýjað og sums staðar dálítil súld, en bjart með köflum á austanverðu landinu. Hiti 6 til 12 stig.

Á fimmtudag og föstudag:

Hæg breytileg átt. Skýjað og líkur á lítilsháttar súld, en léttskýjað norðan- og austanlands. Heldur kólanandi.




Fleiri fréttir

Sjá meira


×