„Gæti orðið til þess að þú sért látinn fara“

„Þegar við komum að svona málum, þar sem einhver hefur til dæmis tekið bita af pítsunni þinni, eða hefur einhvern veginn komist í pokann þinn, tökum við þessu mjög alvarlega,“ segir hinn norski Chirstian Kamhaug hjá Wolt í samtali við Vísi. 

Kamhaug vísar þar meðal annars til máls Lárusar Sigurðar Lárussonar, óánægðs viðskiptavinar sem hafði pantað sér pítsu í gegnum sendingaþjónustuna sem í vantaði eina sneið. Svo virtist sem sendillinn hafi fengið sér nokkra bita af mat viðskiptavinarins. Hann kveðst harma atvikið og segir að slíkt sé algjör undantekning.

Ekki látinn taka pokann sinn

„Þetta gæti orðið til þess að þú sért látinn fara,“ heldur Kamhaug áfram. „Þetta snýst um matvælaöryggi og við getum ekki látið það viðgangast að menn snerti annarra manna mat.“

Hann bætir þó við að þessi tiltekni sendill hafi ekki verið látinn taka pokann sinn þar sem formlega kvörtun barst ekki þjónustuverinu. 

Láru, viðskiptavinurinn, sagði enn fremur að hann hafi ekki náð sambandi við þjónustufulltrúa en sagði að sér hafi gengið illa við að ná sambandi við þjónustuver. Kamhaug, sem er fjölmiðlafulltrúi fyrirtækisins í Noregi, Lúxemborg auk Íslands, útskýrir að um tuttugu manns vinni í þjónustuveri Wolt á Íslandi en á háannatímum, til dæmis seint á kvöldin, þurfi að vísa fólki áfram til þjónustuvera í öðrum löndum, til að mynda Ungverjalandi.

„Ef það gerðist að viðskiptavinurinn kvartaði og fékk ekki okkar fyllstu athygli þyki mér það leitt, en þessu tökum við mjög alvarlega.“

Wolt féll í frjóan jarðveg á Íslandi

Wolt leit fyrst dagsins ljós árið 2014, þá í Finnlandi, og hefur síðan þá dreift sér víðs vegar um Evrópu. Það var keypt af bandaríska Doordash árið 2022 og ári síðar skaut fyrirtækið upp kolli á Íslandi.  

Á því tveimur og hálfa ári sem Wolt hefur starfað á Íslandi hefur starfsemi fyrirtækisins stækkað gríðarlega. Kamhaug útskýrir að í heimalandi sínu í Noregi, þar sem Wolt hefur starfað síðan 2018, teljist markaður fyrirtækisins enn eins og nýr. Á Íslandi þykir markaðurinn aftur á móti þegar „þroskaður“ eins og Kamhaug orðar það.

Spurður út í hagnað Wolt á Íslandi í fyrra kveðst hann ekki getað tjáð sig um það en hann segir að reksturnn gangi mjög vel. Fyrsta ár sitt á markaði. 2023, hagnaðist félagið um rúmar sex milljónir króna.

Oft innflytjendur sem sækjast í starfið 

Kamhaug segir að fjöldi sendla Wolt á Íslandi sé í hundruðum talinn. Hann kveðst aftur á móti ekki hafa upplýsingar um ríkisföng þeirra. Hann tekur þó fram að innflytjendur, og aðrir sem koma nýir inn a tiltekinn vinnumarkað, sækist oft í slík störf. Fyrirtækið kæri sig lítið um þjóðerni sendla. 

Einu skilyrðin séu að eiga og kunna á hjól eða bíl auk þess sem að maður þurfi að geta talað íslensku eða ensku. Oft sé þetta byrjunarreitur á vinnumarkaðnum.

En rekstur Wolt á Íslandi hefur ekki gengið hnökralaust. Í fyrra kom upp mál þar sem um tuttugu sendla átu yfir höfði sér kæru fyrir að starfa án atvinnuréttinda hér á landi. Lögreglan benti á ábyrgð atvinnurekenda í málum sem þessa töluverða.

Kamhaug útskýrir að það hafi gerst vegna þess að óprúttnir aðili framselt samninga sinn til fólks sem ekki hafði starfsleyfi. Fyrirtækið hefur nú brugðist við. „Þegar þú sækir um að gerast sendill þarftu að senda frá þér skilríki og, ef þú ert ekki íslenskur ríkisborgari, þarftur að senda starfsleyfi,“ útskýrir Norðmaðurinn.

Fyrirtækið þurfti þó aftur að bregðast við slíku svindli í Noregi í sumar, eftir að rúmenskir glæpahópar hösluðu sér völl í Ósló þar sem höfuðpaurar myndu láta starfsleyfislausa innflytjendur vinna fyrir sig. Málið vakti athygli lögreglu þegar skyndilega var kominn fjöldi bíla til borgarinnar sem skráðir voru í Rúmeníu. Kamhaug segir að eftir þetta mál sé leyfi Wolt ekki lengur sendlum í Noregi að nota bíla sem ekki eru skráðir í því landi. „Það þarf að vera norskur bíll.“

Og kjörin?

Verkalýðsfélög bæði á Íslandi og annars staðar í Evrópu hafa lýst áhyggjum af kjörum sendla, bæði hjá Wolt og öðrum löndum. 

Fulltrúar ASÍ hafa áður sakað Wolt um að borga sendlum skammarlega lág laun en Kamhaug þvertekur fyrir það og segir að tímakaup sendla á Íslandi sé að meðaltali 4.800 krónur á tímann. Aftur á móti er gert ráð fyrir því að sendlar kosti sjálfir gjöld á borð við bensín.

Wolt bjóði upp á slysatryggingar ef þú slasast í vinnunni, segir Kamhaug, en aðrar tryggingar þurfi sendlar að skaffa sér sjálfir.