Tugir látnir eftir elds­voða í verslunar­mið­stöð

Samkvæmt upplýsingum frá innanríkisráðuneyti Írak lést 61 í eldsvoðanum. Flestir hinna látnu hafi látist af völdum köfnunar en ekki hafi verið hægt að bera kennsl á fjórtán lík. Írakski ríkismiðillinn greindi frá því að nokkurra væri enn saknað eftir eldsvoðann.

Þá hefur AP eftir írökskum stjórnvöldum að Björgunarsveitum hafi tekist að bjarga 45 manns úr verslunarmiðstöðinni, sem telur fimm hæðir, meðan á eldsvoðanum stóð. 

Mohammed al-Mayyeh sveitarstjóri Wasit-héraðs, hefur lýst yfir þriggja daga þjóðarsorg vegna eldsvoðans. Hann segir eldsupptök enn til rannsóknar og að eigandi verslunarmiðstöðvarinnar yrði sóttur til saka vegna málsins.