Líkur á eldingum norðan­til og gasmengun vestan­til

Í textaspá Veðurstofunnar er hita spáð 14 til 22 stig, hlýjast verður á Norðausturlandi. Á Reykjanesi er spáð suðaustlægri átt, því getur gasmengun borist norðvestur yfir Reykjanesbæ, Voga og vestanvert Snæfellsnes.

Á morgun gera spár ráð fyrir hægri austlægri átt. Smáskúrir á víð og dreif en rigning af og til á sunnanverðu landinu, og svipaðar hitatölur og í dag. 

Á laugardag og sunnudag er útlit fyrir hægar breytilegar áttir og skúrir, einkum síðdegis og þá er ekki útilokað að eldingar komi aftur við sögu. Áfram frekar hlýtt í veðri.

Veðurhorfur á landinu næstu daga

Á föstudag:

Norðaustan 3-8 m/s, skýjað og sums staðar smáskúrir. Hiti 12 til 20 stig. Fer að rigna sunnan- og austanlands síðdegis og um kvöldið.

Á laugardag og sunnudag:

Fremur hæg breytileg átt, skýjað að mestu og víða skúrir. Hiti breytist lítið.

Á mánudag:

Norðaustlæg eða breytileg átt, skýjað og sums staðar smáskúrir. Rigning austanlands eftir hádegi. Hiti 14 til 19 stig.

Á þriðjudag:

Norðlæg eða breytileg átt og rigning eða súld með köflum norðan- og austanlands. Bjart að mestu suðvestantil, en líkur á stöku skúrum þar, einkum síðdegis. Hiti 13 til 22 stig, hlýjast á Suðurlandi.

Á miðvikudag:

Útlit fyrir breytilega átt. Skýjað og víða smáskúrir. Hiti 12 til 19 stig, hlýjast suðvestantil.