Skaut á slökkvi­liðs­menn úr laun­sátri

Mennirnir voru í hópi slökkviliðsmanna sem sinnti útkalli vegna gróðurelds þegar þeir voru skotnir á færi með öflugum riffli.

Þriðji slökkviliðsmaðurinn særðist í árásinni en svo virðist sem eldarnir hafi verið kveiktir til þess að lokka viðbragðsaðila á staðinn til þess að hægt væri að sitja fyrir þeim og gera árás. Mikið viðbragð var ræst út og var íbúum á svæðinu sagt að leita skjóls en skömmu síðar fundu sérsveitarmenn karlmann sem hafði komið sér fyrir á fjallinu með skotvopn.

Eftir nokkurra klukkustunda umsátur þar sem hann og lögreglumenn skiptust á skotum lét maðurinn lífið. Óvíst er enn hvort hann hafi tekið eigið líf eða hvort hann hafi fallið fyrir skotum lögreglunnar. Ekkert er vitað um hvað manninum gekk til.