Hapoel Jerusalem og Maccabi Tel Aviv komust í úrslitaeinvígið og staðan var 1-1 eftir tvo leiki.
Maccabi Tel Aviv endaði í öðru sæti deildinni en Hapoel Jerusalem í því þriðja. Hapoel Jerusalem sló út deildarmeistara Hapoel Shlomo Tel Aviv.
Maccabi vann fyrsta leikinn 91-88 á heimavelli en Hapoel jafnaði með 77-74 sigri í leik tvö. Eins og sjá má á þessum úrslitum þá var þetta hnífjafnt og stefndi því í afar spennandi lokakafla.
Nú hefur ísraelska körfuboltasambandið hins vegar tekið þá ákvörðun að aflýsa keppninni. Ástæðan er stríðið á milli Ísrael og Írans.
Í fyrstu var þriðja leiknum frestað um óákveðinn tíma en eftir að stríðið hélt áfram þá var tekin sú súra ákvörðun að aflýsa úrslitaeinvíginu. Enginn meistari verður því krýndur í ár.
Ístreal kláraði deildina sína þegar kórónuveirufaraldurinn var í gangi, ólíkt okkur Íslendingum, en þeir taka ekki áhættuna í þessu stríðsástandi.
Maccabi Tel Aviv hefur unnið tvö síðustu ár og alls sex sinnum á síðustu sjö árum. Hapoel Jerusalem varð síðast meistari árið 2017.
