Tveir ríkisþingmenn skotnir á heimilum sínum

AP hefur eftir Ryan Sabas borgarstjóra Champlin í Minnesota að Melissa Hortmann fulltrúadeildarþingmaður og John Hoffman öldungadeildarþingmaður á ríkisþingi Minnessota, hafi verið skotin á heimilum sínum í gær. Eiginkona Hoffman hafi einnig verið skotinn. 

Tim Walz ríkisstjóri Minnesota segist í færslu á X hafa fengið tilkynningar um skipulagðar skotárásir í borgunum Champlin og Brooklyn Park. Viðbragðsaðilar hafi verið kallaðir út vegna árásanna. Í annarri færslu segist hann hafa virkjað neyðarmiðstöð vegna atvikanna. 

Heimildarmenn AP segja hinn grunaða árásarmann hafa dulbúið sig sem lögreglumann. Ekki liggur fyrir hver kveikjan af árásunum var. 

Walz hefur boðað til blaðamannafundar vegna málsins.