Enski boltinn

Man City stað­festir kaupin á Cher­ki

Runólfur Trausti Þórhallsson skrifar
Rayan Cherki er þekktur fyrir mikla sköpunargleði. Fær hún að njóta sín hjá City?
Rayan Cherki er þekktur fyrir mikla sköpunargleði. Fær hún að njóta sín hjá City? Manchester City

Manchester City hefur staðfest kaup félagsins á franska landsliðsmanninnum Rayan Cherki. Hann kemur frá Lyon, kostar 34 milljónir punda – 5,8 milljarða íslenskra króna og skrifar undir fimm ára samning í Manchester.

Enska knattspyrnufélagið Man City heldur áfram að láta til sín taka á leikmannamarkaðnum en félagaskiptaglugginn í Evrópu var opnaður tímabundið svo félög gætu sótt leikmenn fyrir HM félagsliða sem hefst 15. júní.

Kaupin á hinum 21 árs gamla Cherki voru svo gott sem staðfest í gær, mánudag, en hann sett blek á blað fyrr í kvöld. Cherki átti magnað tímabil með Lyon þar sem hann skoraði 12 mörk og gaf 20 stoðsendingar í 44 leikjum. Jafnframt lék hann sinn fyrsta A-landsleik fyrir Frakkland á dögunum.

„Það er draumur að skrifa undir hjá félagi eins og Man City,“ sagði Cherki við undirskriftina.

Kaupin á Cherki þýða að City hefur nú keypt tvo leikmenn sem bera fyrsta nafnið Rayan en vinstri bakvörðurinn Rayan Aït-Nouri kom frá Úlfunum fyrir skemmstu.

Fótbolti Enski boltinn

Tengdar fréttir

Man City ræður annan úr teymi Klopp hjá Liver­pool

Á dögunum var greint frá því að Pepijn Lijnders yrði einn af aðstoðarþjálfurum Pep Guardiola hjá Manchester City á komandi leiktíð í ensku úrvalsdeildinni. Sá gerði garðinn frægan sem aðstoðarþjálfari Jürgen Klopp hjá Liverpool. Nú hefur verið tilkynnt að annar undirmaður Klopp hjá Liverpool sé að semja við City.

Mest lesið


Fleiri fréttir

Sjá meira


×

Mest lesið