Golf

Gunn­laugur í sigur­liði á sterkasta áhugamannamóti heims

Hjörtur Leó Guðjónsson skrifar
Gunnlaugur Árni Sveinsson nældi í tvö stig fyrir alþjóðlega liðið.
Gunnlaugur Árni Sveinsson nældi í tvö stig fyrir alþjóðlega liðið. David Cannon/Getty Images

Íslenski kylfingurinn Gunnlaugur Árni Sveinsson fagnaði sigri með alþjóðlega liðinu á Arnold Palmer Cup, sterkasta áhugamannamóti heims.

Alþjóðlega liðið hefur nú þegar nælt sér í 30,5 stig á mátinu og þar með tryggt sér sigur gegn því bandaríska.

Gunnlaugur nældi í tvö stig og hjálpaði þar með liðinu að tryggja sigurinn.

Stigin tvö komu bæði á degi tvö, sem spilaður var í gær. Gunnlaugur fagnaði þá sigri í báðum leikjum sínum í fjórmenningi þar sem kylfingar leika einum bolta og skiptast á að slá.

Fyrri leikinn ann hann með hinum norska Michael Alexander Mjaaset. Þeir mættu þar sterkasta pari Bandaríkjanna í Jackson Koivun og Carson Bacha. Koivun er annar á heimslistanum og Bacha situr í því nítjánda. Gunnlaugur og Michael sigruðu bandaríska teymið eftir ótrúlegar seinni níu holur.

Í seinni umferð dagsins spilaði Gunnlaugur með hinni öflugu Maria José Marin frá Kólumbíu en hún situr í fimmta sæti á heimslista kvenna. Þau mættu þar Bandaríkjamönnunum Austin Duncan og Kendall Todd.




Fleiri fréttir

Sjá meira


×