Erlent

Frakk­lands­for­seti heim­sækir Græn­land

Rafn Ágúst Ragnarsson skrifar
Frönsk stjórnvöld hafi lofað að senda hermenn til Grænlands óskuðu Danir eftir því.
Frönsk stjórnvöld hafi lofað að senda hermenn til Grænlands óskuðu Danir eftir því. AP/Anupam Nath

Emmanuel Macron Frakklandsforseti fer í heimsókn til Grænlands í boði landstjórnarinnar í sumar. Utanríkisráðherra landstjórnarinnar heimsótti París í maí og bauð þar frönskum ráðamönnum til Grænlands.

Það er grænlenski miðillinn Sermitsiaq sem greinir frá því að Frakklandsforseti hafi samþykkt boðið. Vivian Motzfeldt, utanríkisráðherra í landstjórninni, hafi þakkað frönskum stjórnvöldum fyrir stuðning sinn í ljósi mikils þrýstings frá Donald Trump Bandaríkjaforseta en hann hefur undanfarna mánuði hótað því að innlima Grænland í Bandaríkin, í óþökk Grænlendinga sem túlka framferði hans sem ógn við fullveldi sitt.

Frakkar hafi meðal annars lofað Grænlendingum að taka beinan þátt í vörnum landsins bæðu dönsk yfirvöld um það.

„Ég get staðfest að franska ríkisstjórnin hefur samþykkt boð okkar,“ segir Vivian Motzfeldt utanríkisráðherra í samtali við Sermitsiaq.

Fram kemur að lítið liggi fyrir um dagskrána enda sé heimsóknin enn á undirbúningsstigi og ekki útilokað að henni verði frestað eða aflýst




Fleiri fréttir

Sjá meira


×