Fótbolti

Arnór og Arnór meiddir rétt fyrir landsleikjahlé

Ágúst Orri Arnarson skrifar
Arnór Ingvi Traustason og Arnór Sigurðsson meiddust í dag.
Arnór Ingvi Traustason og Arnór Sigurðsson meiddust í dag. getty

Arnór Ingvi Traustason og Arnór Sigurðsson meiddust báðir í dag, aðeins þremur dögum áður en íslenski landsliðshópurinn kemur saman fyrir æfingaleiki gegn Skotlandi og Norður-Írlandi.

Arnór Ingvi fór meiddur af velli á 74. mínútu í leik Norrköping og GAIS, sem endaði 0-3. Arnór lagðist í grasið fjórum mínútum fyrr, hélt aðeins áfram en var svo skipt út af. Engar frekari upplýsingar liggja fyrir að svo stöddu.

Arnór Sigurðsson var á æfingu með Malmö fyrir leikinn gegn BK Hacken á morgun en þurfti skyndilega að hætta, fékk aðhlynningu sjúkraþjálfara og og sást svo haltra burt af æfingasvæðinu.

Sjúkraþjálfari liðsins, David Björkman, sagði við Expressen að um nárameiðsli væri að ræða. Arnór myndi ekki spila á morgun en óvíst er hversu lengi hann verður frá. Arnór hefur glímt við mikil meiðsli í náranum á sínum ferli.


Tengdar fréttir




Fleiri fréttir

Sjá meira


×