Skin og skúrir í dag

Þetta kemur fram í hugleiðingum Veðurfræðings á vef Veðurstofunnar en þar segir að á milli skúra ætti að sjást sæmilega til sólar. Veðurfræðingur spáir breytilegri átt, 3-8 m/s, og hita 6 til 13 stigum. 

Braut lægðanna á Norður-Atlantshafi liggi þessa dagana til austurs allangt fyrir sunnan land og hafi því lítil áhrif hér. 

Útlit sé fyrir svipað veður á morgun og einnig um helgina, en líkur á norðanátt með kólnandi veðri á mánudag.

Veðurhorfur á landinu næstu daga

Á föstudag og laugardag:

Breytileg átt 3-8 m/s. Skýjað með köflum og allvíða skúrir, einkum síðdegis. Hiti 6 til 13 stig.

Á sunnudag (sjómannadagurinn):

Vestan og norðvestan 3-10 og dálítil rigning. Hiti breytist lítið.

Á mánudag:

Norðanátt og rigning með köflum, en líkur á slyddu norðanlands. Hiti 2 til 10 stig, mildast syðst.

Á þriðjudag:

Norðanátt og dálítil rigning eða slydda norðantil, en úrkomulítið syðra. Áfram svalt í veðri.

Á miðvikudag:

Norðaustanátt og dálítil væta, en þurrt á Suður- og Vesturlandi.