Norð­læg átt en bjart að mestu sunnan­lands

Á vef Veðurstofunnar segir að það verði hægari síðdegis og léttir til norðaustantil.

„Hiti 0 til 8 stig, hlýjast syðst. Snýst smám saman í suðlæga átt og kólnar í kvöld.

Á morgun verður suðvestanátt, yfirleitt 8-15 m/s, en hægari á suðurhelmingi landsins. Dálítil súld eða rigning á vestanverðu landinu en bjart að mestu fyrir austan. Hiti 4 til 9 stig.

Minnkandi sunnanátt á laugardag, 5-10 m/s seinnipartinn. Áfram væta með köflum á vestanverðu landinu, en léttskýjað austantil. Hlýtt í veðri.

Á sunnudag gera spá ráð fyrir suðlægri átt, 10-18 m/s og rigningu eða súld, en hægari og þurrt að mestu austan- og norðaustanlands. Hiti 5 til 10 stig,“ segir á vef Veðurstofunnar.

Veðurhorfur á landinu næstu daga

Á föstudag: Vestan og suðvestan 8-15 m/s. Skýjað og dálítil væta á vesturhelmingi landsins, en bjart með köflum austantil. Hlýnandi veður, hiti 4 til 9 stig síðdegis.

Á laugardag: Suðvestlæg eða breytileg átt 3-10. Skýjað og sums staðar lítilsháttar rigning, en yfirleitt léttskýjað norðaustan- og austanlands. Hiti 2 til 7 stig.

Á sunnudag: Sunnan 10-18 m/s, hvassast í vindstrengjum vestanlands. Dálítil súld eða rigning um landið sunnan- og vestanvert. Hægari vindur og bjart að mestu norðaustantil. Hiti 5 til 10 stig.

Á mánudag: Sunnan 8-15 m/s, en 13-20 með snörpum vindhviðum á vestanverðu landinu. Rigning sunnan- og vestanlands, um tíma talsverð úrkoma. Þurrt að kalla austan- og norðaustantil. Hiti breytist lítið.

Á þriðjudag: Suðlæg eða breytileg átt. Rigning eða slydda í flestum landshlutum og síðar snjókoma á vestanverðu landinu. Kólnandi veður.

Á miðvikudag: Útlit fyrir breytilega átt. Bjart með köflum en stöku él eða slydduél á víð og dreif. Hiti um frostmark yfir daginn.