„Sjálftaka pólitískrar yfir­stéttar“, stór­iðja á flug­vellinum og fær­eysk veisla í kvöld­fréttum

Þá segjum við frá fjölmennum mótmælum í Suður-Kóreu, en þúsundir stuðningsmanna forseta landsins komu saman þegar forsetanum var sleppt úr fangelsi í dag. Hann hefur verið í varðhaldi síðan í janúar, en hann sætir ákæru fyrir tilraun til að setja á herlög í landinu í desember.

Við kíkjum einnig í Leifsstöð sem er orðin ígildi stóriðju. Spáð er að flugstarfsemin á Keflavíkurflugvelli muni skapa milli tvö- og fjögurhundruð ný störf á hverju ári næsta áratuginn. 

Í fréttatímanum hittum við einnig mikinn safnara í Hafnarfirði sem meðal annars hefur opnað sýningu á rúmlega fimm hundruð myndavélum sem hann hefur sankað að sér í gegnum tíðina, og verðum í beinni útsendingu frá færeyskri veislu í Mosfellsbæ.

Þetta og margt fleira í kvöldfréttum Stöðvar 2 og Bylgjunnar í opinni dagskrá klukkan 18:30.