Fimm heillandi heimili í höfuð­borginni

Bæjargil

Í fallegu og fjölskylduvænu hverfi í Garðabæ stendur þetta glæsilega 197 fermetra raðhús á tveimur hæðum. Heimilið hefur verið endurnýjað af smekkvísi og einkennist af hlýlegu og stílhreinu yfirbragði þar sem list, klassísk hönnun og vandað efnisval mætast á heillandi máta.

Á neðri hæð hússins flæðir eldhús, borðstofa og stofa saman í eitt. Þaðan er útgengt í skjólgóðan og snyrtilegan garð. Á efri hæðinni tekur við háreist og bjart fjölskyldurými ásamt þremur svefnherbergjum og baðherbergi. Ásett verð er 146 milljónir. 

Nánari upplýsingar á fasteignavef Vísis.

Skildinganes

Á eftirsóttum stað í Skerjafirði er að finna fallegt 326 fermetra einbýlishús á tveimur hæðum með stórbrotnu útsýni. Húsið er teiknað af Sigvalda Thordarson arkitekt og ber með sér tímalausan og fágaðan stíl. Gengið er inn á efri hæð hússins sem skiptist í forstofu, gestasalerni, eldhús, borðstofu með útgengi út á skjólgóðar þaksvalir, tvær stórar samliggjandi stofur með arinn og sjávarútsýni. 

Á neðri hæðinni eru fjögur svefnherbergi, tvö baðherbergi og sér stúdíóíbúð með sérinngangi. Stór og gróinn garður umlykur húsið. Óskað er eftir tilboði í eignina. 

Nánari upplýsingar á fasteignavef Vísis.

Hafnarbraut 

Í vönduðu og nútímalegu lyftuhúsi við Hafnarbraut í Kópavogi er að finna fallega 67 fermetra íbúð í húsi sem var byggt árið 2021. Heimilið er hlýlegt og bjart með stórum gluggum sem hleypa inn náttúrulegri birtu. Eldhús og stofa er í opnu rými þar sem falleg húsgögn og listaverk eru í forgrunni. 

Ásett verð er 66,9 milljónir.

Nánari upplýsingar á fasteignavef Vísis.

Framnesvegur

Við Framnesveg í Vesturbæ Reykjavíkur er að finna glæsilega 105 fermetra íbúð á efstu hæð í húsi var byggt árið 2021. Íbúðin er vel skipulögð og hefur verið innréttað á smekklegan máta. Á gólfum er gegnheilt chevron parket og dökkar hljóðplötur í lofti í alrými sem gefa eigninni hlýlega og fágaða ásýnd.

Eldhús, stofa og borðstofa er samliggjandi með gólfsíðum gluggum en frá stofu er gengið út á góðar svalir. Í eldhúsinu er stílhrein svört innrétting með stein á borðum og rúmgóðri eyju.

Ásett verð er 119,9 milljónir.

Nánari upplýsingar á fasteignavef Vísis.

Laugavegur

Við Laugaveg 96 í Reykjavík er að finna sjarmerandi íbúð í sögufrægu húsi sem var byggt árið 1967. Stjörnubíó var áður til húsa í eigninni en síðustu kvikmyndasýningarnar fóru fram þann 28. febrúar 2002. 

Eftir að starfsemi Nýjabíós lauk var húsinu breytt í íbúðarhúsnæði en umrædd íbúð var hluti af bíósal b.

Íbúðin býr yfir miklum karakter þar sem litrík listaverk, vandað efnisval og einstök hönnun skapa einstaka stemningu. Eldhús, borðstofa og stofa flæða saman í björtu alrými, þaðan sem gengið er út á skjólsælar suðursvalir. Tvö svefnherbergi og tvö baðherbergi eru í eigninni, auk þess sem náttúrusteinar og marmari prýða gólf og gluggakistur. Ásett verð er 109,9 milljónir.

Nánari upplýsingar á fasteignavef Vísis.