Hafnaði risasamningi Risanna og verður á­fram Hrútur

Nokkur lið höfðu borið víurnar í þennan reynda og öfluga leikmann og lið hans, LA Rams, var svo sannarlega til í að hlusta á tilboð.

NY Giants var það lið sem komst næst því að hreppa hinn 37 ára gamla Stafford. Það var til í að greiða það sem Rams vildi og þess utan bauð mun betri samning en Stafford er með hjá Hrútunum.

Risasamningur Risanna var þó ekki nóg til þess að draga Stafford yfir á austurströndina. Hann ákvað frekar að skrifa undir nýjan samning við Rams. Mikill skellur fyrir Giants.