Öflug lægð nálgast landið

Þetta kemur fram í textaspá Veðurstofunnar. Í dag er spáð sunnan 10-18 m/s og rigningu eða slyddu víða um land og hita 2 til 7 stig. Seinni partinn og í kvöld fer að hvessa víða um land en í nótt gengur kröpp lægðabóla hratt austur yfir Norðvesturland.

Líkur eru á að færð spillist sunnan- og vestanlands seinnipartinn, einkum á fjallvegum og því gætu ferðalög milli landshluta verið varasöm.

Veðurviðvaranir eru í gildi fram á nótt og Veðurstofan hvetur ferðamenn til að kynna sér færð og veður áður en lagt er af stað í ferðalög. 

Veðurhorfur á landinu næstu daga

Á mánudag:

Vestan og suðvestan 15-23 m/s og éljagangur um morguninn, en dregur síðan talsvert úr vindi og éljum. Hiti nálægt frostmarki. Hægt vaxandi suðaustanátt síðdegis með snjókomu eða slyddu og síðar rigningu sunnantil, en þurrt fyrir norðan fram á kvöld. Hlýnar smám saman.

Á þriðjudag:

Snýst í suðvestan 13-20 m/s með éljum og kólnandi veðri, en styttir upp á Norður- og Austurlandi. Hiti nálægt frostmarki síðdegis og dregur þá heldur úr vindi.

Á miðvikudag:

Hæg suðlæg eða breytileg át og dálítil él, en slydda suðaustanlands um kvöldið. Lengst af bjartviðri á Norður- og Austurlandi. Hiti kringum frostmark.

Á fimmtudag:

Hægviðri og dálítil él á víð og dreif. Frost víða 0 til 5 stig.

Á föstudag:

Norðaustlæg átt og él eða snjókoma austanlands, en annars úrkomulítið. Kólnar í veðri.

Á laugardag:

Útlit fyrir norðanátt með dálítil éljum, en bjartviðri sunnan heiða. Kalt í veðri.