Lægða­gangur og um­hleypingar næstu daga

Á vef Veðurstofunnar segir að búast megi við mildu veðri þar sem hiti verður á bilinu tvö til tíu stig. Spáð er vægu frosti og éljum í kvöld.

„Suðvestlægari og skúrir eða slydduél eftir hádegi. Þá dregur heldur úr vindi og kólnar smám saman, víða él og vægt frost í kvöld.

Áfram suðvestlæg átt og él eða slydduél á morgun. Vaxandi sunnanátt seint á morgun með rigningu og hlýnandi veðri.

Næstu daga er útlit fyrir lægðagang og umhleypingasamt veður,“ segir í hugleiðingum veðurfræðings.

Veðurhorfur á landinu næstu daga

Á laugardag: Suðvestan 13-20 m/s og él eða slydduél, en úrkomulítið á Austurlandi. Dregur úr vindi og fer að rigna sunnan- og vestanlands síðdegis, hiti 0 til 5 stig. Vaxandi sunnanátt, bætir í úrkomu um kvöldið og hlýnar.

Á sunnudag: Suðvestan 15-20 og él eða slydduél, en bjart með köflum um landið norðaustanvert. Kólnar í veðri.

Á mánudag: Minnkandi vestan- og suðvestanátt og allvíða él, 5-13 síðdegis. Hiti í kringum frostmark. Vaxandi suðaustanátt um kvöldið með rigningu eða slyddu sunnan- og vestantil.

Á þriðjudag: Suðaustan 10-18, talsverð rigning eða slydda og hlýnar um tíma, en úrkomuminna norðaustantil. Suðvestan 10-15 síðdegis og styttir víða upp, en dálítil él sunnan- og vestanlands. Víða vægt frost um kvöldið.

Á miðvikudag: Fremur hæg suðlæg átt og dálítil él vestanlands, frost 0 til 5 stig. Gengur í ákveðna suðaustanátt með rigningu eða slyddu síðdegis og hlýnar.

Á fimmtudag: Útlit fyrir suðvestlæga átt og víða dálítil él, en úrkomulítið síðdegis. Kólnar í veðri.