Fótbolti

Bjarki kom inn á fyrir Mikael í eins marks tapi

Ágúst Orri Arnarson skrifar
Bjarki Steinn komst ekki á blað frekar en Mikael Egill eða aðrir leikmenn Venezia.
Bjarki Steinn komst ekki á blað frekar en Mikael Egill eða aðrir leikmenn Venezia. Cesare Purini/Mondadori Portfolio via Getty Images

Bjarki Steinn Bjarkason kom inn á fyrir Mikael Egil Ellertsson í 0-1 tapi Venezia gegn Roma í 24. umferð ítölsku úrvalsdeildarinnar.

Paulo Dybala skoraði eina mark leiksins af vítapunktinum á 57. mínútu eftir að Alessandro Marcandalli braut á Angelino inni í vítateig Venezia.

Mikael Egill sést hér hlaupa á eftir Angelino sem fiskaði vítið.Timothy Rogers/Getty Images

Mikael Egill byrjaði á hægri kantinum en var tekinn af velli á 71. mínútu fyrir Bjarka Stein, sem hefur nú komið við sögu í síðustu fimm leikjum eftir töluverða bekkjarsetu fyrri helming tímabils.

Mikael Egill var nýlega keyptur til Genoa en mun spila fram að vori með Venezia, þar sem hann hefur verið lykilmaður á tímabilinu.

Venezia er í fallbaráttu og situr nítjánda sæti deildarinnar með 16 stig eftir 24 umferðir.

Ítalski boltinn Fótbolti

Mest lesið


Fleiri fréttir

Sjá meira


×

Mest lesið