Andri Lucas skoraði í kvöld

Gent náði 3-3 jafntefli á útivelli á móti KV Mechelen eftir að hafa skorað tvö mörk undir lok leiksins.

Andri Lucas byrjaði á bekknum og kom inn á völlinn á 57. mínútu þegar staðan var orðin 3-1 fyrir Mechelen.

Markið skoraði Andri á 84. mínútu eftir stoðsendingu frá Tiago Araujo. Hann minnkaði muninn í 3-2 sem urðu svo lokatölurnar. Liðið náði síðan að skora jöfnunarmark í uppbótatíma.

Þetta var fjórða deildarmark Andra á tímabilinu en fyrsta markið hans síðan á öðrum degi jóla.

Staðan var 1-1 í hálfleik en Mechelen skoraði tvö mörk á fyrstu níu mínútunum í síðari hálfleiknum.

Benito Raman skoraði tvö mörk fyrir Mechelen og Geoffry Hairemans var með eitt.

Dante Vanzeir skoraði fyrra mark Gent og jafnaði þá metin í 1-1.