Fótbolti

U21-strákarnir í riðli með Frökkum

Sindri Sverrisson skrifar
Ísland var í baráttu um sæti í umspili í síðustu undankeppni en endaði þó að lokum í 4. sæti síns riðils.
Ísland var í baráttu um sæti í umspili í síðustu undankeppni en endaði þó að lokum í 4. sæti síns riðils. vísir/Anton

Dregið hefur verið í riðla fyrir undankeppni Evrópumóts U21-landsliða í fótbolta karla sem hefst í næsta mánuði. Ísland lenti meðal annars með sterku liði Frakka í riðli.

Ísland mun spila í C-riðli ásamt Frakklandi, Sviss, Færeyjum, Lúxemborg og Eistlandi. Riðillinn verður spilaður frá mars næstkomandi og fram í október 2026.

Leikið er í níu undanriðlunum og komast sigurvegararnir níu, auk liðsins með bestan árangur í 2. sæti, beint áfram í lokakeppnina. Hin átta liðin sem enda í 2. sæti fara í umspil um síðustu fjögur sætinu sem í boði eru. Lokakeppnin fer fram í Albaníu og Serbíu sem þar með eiga sæti þar sem gestgjafar.

Lokakeppnin fer fram sumarið 2027 og ræður því jafnframt hvaða lið frá Evrópu komast á Ólympíuleikana í Los Angeles 2028, en þangað komast fjögur bestu liðin.

Landslið karla í fótbolta

Mest lesið


Fleiri fréttir

Sjá meira


×

Mest lesið