Neytendur

Indó ríður á vaðið

Árni Sæberg skrifar
Haukur Skúlason og Tryggvi Davíðsson hjá Indó. 
Haukur Skúlason og Tryggvi Davíðsson hjá Indó.  Vísir/Vilhelm

Í kjölfar vaxtalækkunar Seðlabanka Íslands í dag hefur Indó sparisjóður ákveðið að lækka vexti á inn- og útlánum sínum. Önnur fjármálafyrirtæki hafa ekki greint frá áformum sínum um vexti.

Í fréttatilkynningu frá Indó segir að vextir á debetreikningum, sparibaukum, yfirdrætti og svokölluðu færslusplitti lækki um sem nemur lækkun Seðlabankans, eða um 0,5 prósentustig.

Vextir eftir breytingar verði því eftirfarandi:

  • Á debetreikningum: 2,25%
  • Á sparibaukum: 7,10%
  • Á yfirdrætti í virkri endurgreiðslu: 13,00%
  • Á yfirdrætti án virkrar endurgreiðslu: 15,00%
  • Á færslusplitti: 15,00%

„Vaxtalækkun Indó endurspeglar því alfarið vaxtalækkun Seðlabankans í dag. Vaxtalækkun á debetreikningum tekur gildi frá og með 5. apríl í samræmi við ákvæði laga. Aðrar breytingar taka gildi í dag, þann 5. febrúar.“

Fjármálafyrirtæki Seðlabankinn Neytendur Efnahagsmál Fjármál heimilisins


Mest lesið


Fleiri fréttir

Sjá meira


×

Mest lesið