Í hugleiðingum veðurfræðings segir að það verði hægari vindur og bjartviðri norðaustanlands en í kvöld verður lægðin komin að Vestfjörðum og hvessir þá þar af norðaustri og snjóar.
„Í nótt hreyfist lægðin síðan suður á bóginn og fer yfir Vesturland og síðar suðvesturhluta landsins og má því reikna með snjókomu um tíma á þeim slóðum. Síðdegis á morgun, laugardag er lægðin komin yfir Suðausturland og vindur því orðinn norðlægari. Ofankoman er þá einkum bundin við norðanvert landið, en farið að létta til syðra. Á sunnudag er lægð gærdagsins á bak og burt, en í staðinn kemur dálítill hæðarhryggur og birtir þá einnig til fyrir norðan. Hins vega eru vísbendingar um enn eina lægðin á leið yfir Vestfirði sunndagskvöld.
Norðanáttin um helgina dregur með sér mjög kalt heimskautaloft og kólnar því talsvert um land allt,“ segir á vef Veðurstofunnar.
Veðurhorfur á landinu næstu daga
Á laugardag: Suðvestlæg eða breytileg átt, 5-13 m/s og víða dálítil él. Gengur í norðan 10-15 með snjókomu eða éljagangi uppúr hádegi, fyrst norðvestantil, en rofar til sunnan heiða. Frost 1 til 10 stig, minnst við sjávarsíðuna.
Á sunnudag: Norðlæg átt, 3-8 m/s og skýjað með köflum, en 8-15 m/s og él norðaustanlands fram á kvöld. Frost 5 til 20 stig, kaldast inn til landsins.
Á mánudag: Austlæg átt snjókoma með köflum, en norðlægari og dálítil él norðaustanlands. Talsvert frost um allt land.
Á þriðjudag (gamlársdagur) og miðvikudag (nýársdagur): Fremur hæg norðlæg og dálítil él á Norður- og Ausutrlandi, en annars yfirleitt bjartviðri. Áfram kalt í veðri.
Á fimmtudag: Útlit fyrir hæga vinda, bjartviðri og hörkufrost.
