Gæti mætt Íslandi á HM: „Algjört æði“ Ingvi Þór Sæmundsson skrifar 9. desember 2024 08:03 Hafsteinn Óli Berg Ramos Rocha vonast til að vera á leiðinni með Grænhöfðaeyjum á HM. Liðið hefur æfingar 26. desember en HM hefst ekki fyrr en 14. janúar. vísir/bjarni „Það yrði algjör snilld,“ segir Hafsteinn Óli Berg Ramos Rocha sem gæti mætt Íslandi á HM í handbolta í byrjun næsta árs, sem leikmaður Grænhöfðaeyja. Hafsteinn er nýkominn úr sinni fyrstu keppnisferð með liðinu. Hún gekk vel fyrir utan smá tungumálaörðugleika. Aðdragandinn að því að Hafsteinn spili fyrir heimaland föður síns er nokkuð langur. Hafsteinn, sem leikur með Gróttu í Olís-deildinni, spilaði sína fyrstu landsleiki fyrir Grænhöfðaeyjar á móti í Kúveit í síðasta mánuði. Þar mættu Grænhöfðaeyjar heimaliði Kúveit, Barein og Túnis. „Fyrir síðustu jól heyrðu þeir í pabba mínum. Við töluðum svo saman í nokkra mánuði og síðan í sumar fór ég til Grænhöfðaeyja og fékk ríkisborgararéttinn þar. Ég var þar í tíu daga að græja pappíra og allt það. Eftir það kom ég heim og heyrði ég í þjálfaranum. Síðan var maður mættur þarna á mót í Kúveit í byrjun nóvember. Það gekk vel og maður fékk hellings spiltíma, þrjátíu mínútur í leik,“ sagði Hafsteinn aðspurður um hvernig það hefði atvikast að hann var valinn í landslið Grænhöfðaeyja. Hafsteinn hóf ferilinn með Fjölni.vísir/bára Hafsteinn er ánægður með hvernig til tókst í Kúveit þrátt fyrir tungumálahindranir sem þurfti að yfirstíga. „Maður skilur ekkert tungumálið hjá þeim. Þeir tala kreólsku og maður kann það ekkert. Maður þarf að læra það en þetta gekk vel og maður er spenntur fyrir komandi tímum,“ sagði Hafsteinn en innan leikmannahóps Grænhöfðaeyja er einnig töluð portúgalska sem hann talar heldur ekki. En hvernig fengu Grænhöfðeyingar veður af handboltahæfileikum Hafsteins? „Pabbi minn er þaðan og þekkir fullt af fólki þar. Síðan sagði pabbi einum í handknattleikssambandinu frá mér. Það eru kynslóðaskipti í landsliðinu en þar eru allir í kringum þrítugt. Þeir vildu endilega fá mig og sendu á mig og pabba. Síðan flaug ég út í júlí og þá fór þetta allt í gang,“ sagði Hafsteinn. Hafsteinn gekk í raðir Gróttu frá HK fyrir tímabilið.vísir/diego Hann naut þess að spila með nýju liðsfélögunum í fyrsta sinn þótt það hafi verið krefjandi. „Það var alveg geggjað en helvíti erfitt. Maður þekkir ekki tungumálið og allt frekar nýtt. Þannig þetta tók alveg tíma að læra kerfin og allt þetta. En þeir tóku mjög vel á móti mér og eru alveg toppmenn. Þetta var algjör snilld,“ sagði Hafsteinn. Framundan er heimsmeistaramót og Hafsteinn vonast að sjálfsögðu til þess að fara með Grænhöfðeyingum til Zagreb í Króatíu þar sem riðill þeirra verður spilaður. „Maður er búinn að leggja það á sig að komast þarna út. Það væri draumur að komast á HM. Maður þarf bara að leggja hart að sér og reyna sitt allra besta. Núna einbeiti ég mér bara að deildinni og síðan kemur bara í ljós hvernig þetta fer,“ sagði Hafsteinn en lið Grænhöfðaeyja hefur æfingar fyrir HM á annan í jólum. Auk Grænhöfðaeyja eru Slóvenía, Kúba og Ísland í G-riðli HM. Fyrsti leikur Grænhöfðaeyinga á mótinu er gegn Íslendingum og þar gæti Hafsteinn mætt löndum sínum. Íslenska liðið mætir Grænhöfðaeyjum í fyrsta leik sínum á HM, 16. janúar.vísir/anton Hann lék með yngri landsliðum Íslands og var meðal annars í U-18 ára liðinu sem vann silfur á EM 2018 ásamt núverandi landsliðsmönnum Íslands eins og Hauki Þrastarsyni og Viktori Gísla Hallgrímssyni. Þá spilaði hann með Þorsteini Leó Gunnarssyni í Aftureldingu. „Það verður algjört æði,“ sagði Hafsteinn um möguleikann á að mæta Íslendingum á HM. „Maður var með sumum þarna í yngri landsliðum og einum í félagsliði þannig maður þekkir inn á nokkra þarna. Það yrði algjör snilld að mæta þeim og heiður,“ sagði Hafsteinn sem kveðst vongóður á að komast í HM-hóp Grænhöfðaeyja. „Ég er mjög bjartsýnn á það. Ég vona það besta. Ég spila bara minn bolta hérna heima og reyni að sanna mig og ég tel mig eiga mjög góðar líkur á að komast í HM-hópinn.“ Úr leik Íslands og Grænhöfðaeyja á HM í fyrra.vísir/vilhelm Ísland mætti Grænhöfðaeyjum í milliriðli á síðasta heimsmeistaramóti og vann tíu marka sigur, 40-30. Grænhöfðeyingar enduðu í 23. sæti á HM, lentu í 2. sæti í Afríkukeppninni 2022 og 4. sæti í ár svo ýmislegt er í liðið spunnið. „Þetta er mjög sterkt landslið með menn víða um Evrópu. Tveir eru að spila í efstu deild í Frakklandi og síðan í portúgölsku og spænsku deildunum. Þetta er hörkulið. Það er ekki hægt að taka það frá þeim,“ sagði Hafsteinn að lokum. HM karla í handbolta 2025 Grænhöfðaeyjar Mest lesið Stuðningsfólk Fortuna brjálað út í Ísak Bergmann Fótbolti „Ég held það vilji enginn upplifa svona aftur“ Íslenski boltinn Tveir látnir og fleiri hundruð handtekin í óeirðum eftir sigur PSG Fótbolti Uppgjörið: KR - Vestri 2-1 | Atlarnir stálu sigrinum af Vestra Íslenski boltinn Kolbeinn er WBF heimsmeistari Sport Gísli Þorgeir meiddist enn á ný á öxl Handbolti Sævar hundeltur af blaðamönnum í Danmörku og Noregi Fótbolti Hispurslaus Amorim mun reynast Man United vel Enski boltinn „Þakklát fyrir skilning á þessum erfiðu tímum“ Körfubolti Valdi tíu bestu augnablik Meistaradeildar Evrópu á leiktíðinni Fótbolti Fleiri fréttir Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið Sjá meira
Hafsteinn, sem leikur með Gróttu í Olís-deildinni, spilaði sína fyrstu landsleiki fyrir Grænhöfðaeyjar á móti í Kúveit í síðasta mánuði. Þar mættu Grænhöfðaeyjar heimaliði Kúveit, Barein og Túnis. „Fyrir síðustu jól heyrðu þeir í pabba mínum. Við töluðum svo saman í nokkra mánuði og síðan í sumar fór ég til Grænhöfðaeyja og fékk ríkisborgararéttinn þar. Ég var þar í tíu daga að græja pappíra og allt það. Eftir það kom ég heim og heyrði ég í þjálfaranum. Síðan var maður mættur þarna á mót í Kúveit í byrjun nóvember. Það gekk vel og maður fékk hellings spiltíma, þrjátíu mínútur í leik,“ sagði Hafsteinn aðspurður um hvernig það hefði atvikast að hann var valinn í landslið Grænhöfðaeyja. Hafsteinn hóf ferilinn með Fjölni.vísir/bára Hafsteinn er ánægður með hvernig til tókst í Kúveit þrátt fyrir tungumálahindranir sem þurfti að yfirstíga. „Maður skilur ekkert tungumálið hjá þeim. Þeir tala kreólsku og maður kann það ekkert. Maður þarf að læra það en þetta gekk vel og maður er spenntur fyrir komandi tímum,“ sagði Hafsteinn en innan leikmannahóps Grænhöfðaeyja er einnig töluð portúgalska sem hann talar heldur ekki. En hvernig fengu Grænhöfðeyingar veður af handboltahæfileikum Hafsteins? „Pabbi minn er þaðan og þekkir fullt af fólki þar. Síðan sagði pabbi einum í handknattleikssambandinu frá mér. Það eru kynslóðaskipti í landsliðinu en þar eru allir í kringum þrítugt. Þeir vildu endilega fá mig og sendu á mig og pabba. Síðan flaug ég út í júlí og þá fór þetta allt í gang,“ sagði Hafsteinn. Hafsteinn gekk í raðir Gróttu frá HK fyrir tímabilið.vísir/diego Hann naut þess að spila með nýju liðsfélögunum í fyrsta sinn þótt það hafi verið krefjandi. „Það var alveg geggjað en helvíti erfitt. Maður þekkir ekki tungumálið og allt frekar nýtt. Þannig þetta tók alveg tíma að læra kerfin og allt þetta. En þeir tóku mjög vel á móti mér og eru alveg toppmenn. Þetta var algjör snilld,“ sagði Hafsteinn. Framundan er heimsmeistaramót og Hafsteinn vonast að sjálfsögðu til þess að fara með Grænhöfðeyingum til Zagreb í Króatíu þar sem riðill þeirra verður spilaður. „Maður er búinn að leggja það á sig að komast þarna út. Það væri draumur að komast á HM. Maður þarf bara að leggja hart að sér og reyna sitt allra besta. Núna einbeiti ég mér bara að deildinni og síðan kemur bara í ljós hvernig þetta fer,“ sagði Hafsteinn en lið Grænhöfðaeyja hefur æfingar fyrir HM á annan í jólum. Auk Grænhöfðaeyja eru Slóvenía, Kúba og Ísland í G-riðli HM. Fyrsti leikur Grænhöfðaeyinga á mótinu er gegn Íslendingum og þar gæti Hafsteinn mætt löndum sínum. Íslenska liðið mætir Grænhöfðaeyjum í fyrsta leik sínum á HM, 16. janúar.vísir/anton Hann lék með yngri landsliðum Íslands og var meðal annars í U-18 ára liðinu sem vann silfur á EM 2018 ásamt núverandi landsliðsmönnum Íslands eins og Hauki Þrastarsyni og Viktori Gísla Hallgrímssyni. Þá spilaði hann með Þorsteini Leó Gunnarssyni í Aftureldingu. „Það verður algjört æði,“ sagði Hafsteinn um möguleikann á að mæta Íslendingum á HM. „Maður var með sumum þarna í yngri landsliðum og einum í félagsliði þannig maður þekkir inn á nokkra þarna. Það yrði algjör snilld að mæta þeim og heiður,“ sagði Hafsteinn sem kveðst vongóður á að komast í HM-hóp Grænhöfðaeyja. „Ég er mjög bjartsýnn á það. Ég vona það besta. Ég spila bara minn bolta hérna heima og reyni að sanna mig og ég tel mig eiga mjög góðar líkur á að komast í HM-hópinn.“ Úr leik Íslands og Grænhöfðaeyja á HM í fyrra.vísir/vilhelm Ísland mætti Grænhöfðaeyjum í milliriðli á síðasta heimsmeistaramóti og vann tíu marka sigur, 40-30. Grænhöfðeyingar enduðu í 23. sæti á HM, lentu í 2. sæti í Afríkukeppninni 2022 og 4. sæti í ár svo ýmislegt er í liðið spunnið. „Þetta er mjög sterkt landslið með menn víða um Evrópu. Tveir eru að spila í efstu deild í Frakklandi og síðan í portúgölsku og spænsku deildunum. Þetta er hörkulið. Það er ekki hægt að taka það frá þeim,“ sagði Hafsteinn að lokum.
HM karla í handbolta 2025 Grænhöfðaeyjar Mest lesið Stuðningsfólk Fortuna brjálað út í Ísak Bergmann Fótbolti „Ég held það vilji enginn upplifa svona aftur“ Íslenski boltinn Tveir látnir og fleiri hundruð handtekin í óeirðum eftir sigur PSG Fótbolti Uppgjörið: KR - Vestri 2-1 | Atlarnir stálu sigrinum af Vestra Íslenski boltinn Kolbeinn er WBF heimsmeistari Sport Gísli Þorgeir meiddist enn á ný á öxl Handbolti Sævar hundeltur af blaðamönnum í Danmörku og Noregi Fótbolti Hispurslaus Amorim mun reynast Man United vel Enski boltinn „Þakklát fyrir skilning á þessum erfiðu tímum“ Körfubolti Valdi tíu bestu augnablik Meistaradeildar Evrópu á leiktíðinni Fótbolti Fleiri fréttir Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Samstarf HSÍ og Rapyd heyrir sögunni til Melsungen tapaði toppslagnum Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið Sjá meira