„Ég hef alltaf haft augun á þessu“ Magnús Jochum Pálsson skrifar 19. október 2024 20:10 Víðir Reynisson segist lengi hafa haft augun á þingmennsku og nú sé rétti tíminn. Vísir/Arnar Víðir Reynisson segist alltaf haft augun á því að fara á þing. Hann hafi því verið fljótur að taka slaginn þegar uppstillingarnefnd Samfylkingarinnar hafði samband. Hann leggur áherslu á velferðarmál og öryggismál. Vísir greindi frá því fyrr í kvöld að Víðir Reynisson, sviðsstjóri almannavarna, yrði oddviti Samfylkingarinnar í Suðurkjördæmi. Fréttastofa náði svo tali af Víði sem er staddur á Spáni og var spenntur fyrir komandi kosningabaráttu. Ber þetta framboð skjótt að? „Það er tiltölulega stuttur aðdragandi. Flokksfélagar í Samfylkingunni á Suðurlandi sendu tilnefningar á uppstillingarnefndina. Það var haft samband við mig hvort ég væri til í að verða við þeirri áskorun og ég gerði það. Var fljótur að taka ákvörðun eftir að hafa tekið fjölskyldufund,“ segir Víðir. Alltaf haft augun á þingmennsku Er þetta eitthvað sem hefur blundað í þér? „Ég hef verið jafnaðarmaður alla ævi. Pabbi var í bæjarstjórn fyrir Alþýðuflokkinn í Vestmannaeyjum þegar ég bjó þar og mín fyrsta þátttaka í kosningum var að vera sendisveinn fyrir Alþýðuflokkinn þar. Ég var mjög ungur þegar ég gekk í Alþýðuflokkinn og fór svo yfir í Samfylkinguna þegar hún varð til. Ég hef alltaf haft augun á þessu, það hefur kannski ekki farið saman með þeim störfum sem ég hef verið í að vera virkur í stjórnmálum en þetta er alltaf sú leið sem ég hef horft á. Ég hugsaði þetta fyrir síðustu kosningar en þá fannst mér mörg verkefni óunnin í almannavörnum. Núna fannst mér tækifærið.“ Eru einhverjar áherslur sem þú ert með? „Það kemur engum á óvart að velferðarmálin og sérstaklega hvað varðar börn og unga fólkið okkar er mér mjög hugleikið. Auðvitað líka löggæslumálin og öryggismálin eru hlutir sem ég þekki mjög vel. Öryggismál í mjög víðu samhengi eftir mín störf síðustu tvo áratugi.“ „Við þurfum að halda áfram að fjölga lögreglumönnum og þurfum að horfa heildstætt á lögregluna í því samhengi. Við þurfum að horfa á það að lögreglan í heild sinni er þjónustustofnun og við þurfum að styrkja hana á öllum sviðum. Það hefur oft verið athygli á það sem er á götunni en við þurfum líka að styrkja rannsóknardeildina þannig að málin fái farveg hratt í gegnum kerfið. Þar eru sóknarfæri fyrir okkur.“ Hefur reynslu úr lögreglunni og atvinnulífinu Fólk hefur strax nefnt að þú gætir verið góður kandídat í dómsmálaráðherra. Ertu að horfa eitthvað í ráðherraembætti? „Nei, ég er fyrst og fremst að bjóða mig fram til þingsins og svo kemur það bara í ljós hvernig verkefnunum verður skipt þar. Ég vona bara að ég fái verkefni sem henta minni þekkingu. Minn bakgrunnur er mjög breiður, það þekkja mig flestir úr þessum almannavarna- og lögreglustörfum en ég kem úr iðnaðnum líka. Ég er húsasmiður að mennt, hef unnið sem smiður, verkamaður og við matvinnslu. Þannig ég hef ansi breiðan bakgrunn úr atvinnulífinu.“ „Við stefnum að því að taka þátt í næstu ríkisstjórn“ Víðir þekkir Suðurkjördæmi vel þó hann búi í Kópavogi. Hann ólst þar upp og hefur unnið ýmis störf í kjördæminu. „Ég er er fæddur og uppalin í Vestmannaeyjum og var þar við störf. Síðan var ég í lögreglunni á Suðurlandi í þrjú ár að vinna að almannavarnaverkefnum með sveitarfélögunum og að öryggis- og viðbragðsáætlunum. Ég þekki kjördæmið mjög vel og mínar rætur liggjar þar.“ Snýrð aftur í kjördæmið í kosningabaráttu. „Ég er mjög spenntur fyrir því og á von á því að hún verði góð. Það er mikið af góðu fólki sem vill gera gagn. Ég hef trú á því að skoðanaskiptin verði góð og á von á því að við munum koma sterk inn. Það er tími til breytinga og við sjáum Samfylkinguna nálgast hlutina með nýjum hætti með tilkomu Kristrúnar. Búið að vera mikil málefnavinna um land allt og við stefnum að því að taka þátt í næstu ríkisstjórn ef við fáum traust frá þjóðinni til þess,“ segir hann að lokum Samfylkingin Alþingiskosningar 2024 Suðurkjördæmi Mest lesið Icelandair hættir flugi til Ísafjarðar Innlent Þungt haldinn eftir að hafa farið í sjóinn Innlent Telur einnar nætur virði að reyna að fá Spasskí Innlent Páfinn glímir við mikil öndunarvandræði en þó með meðvitund Erlent Kona féll fram af svölum fjölbýlishúss í Breiðholti Innlent Slegin óhug vegna eyðileggingarmáttar náttúruaflanna Innlent Kennari mun ekki hlýða snjallsímabanni í skólum Innlent Enginn uppfyllti skilyrðin í upphafi Innlent Sérsveitaraðgerð í Kópavogi Innlent Telur tjónið nema milljarði: Mölbrotinn flygill og gólfið eins og sjávarbotn Innlent Fleiri fréttir Icelandair hættir flugi til Ísafjarðar Telur einnar nætur virði að reyna að fá Spasskí Slegin óhug vegna eyðileggingarmáttar náttúruaflanna Fljúga tveimur vikum lengur Enginn uppfyllti skilyrðin í upphafi Þungt haldinn eftir að hafa farið í sjóinn Staðan sé betri í dag en í fyrradag Eyðilegging eftir óveður og bolluóðir landsmenn Samfylkingin eykur fylgið Fékk blóðnasir í pontu Sögðu 23 starfsmönnum sláturhússins upp Kennari mun ekki hlýða snjallsímabanni í skólum Sérsveitaraðgerð í Kópavogi Helgi Seljan byrjaður að vinna á RÚV Reynir að greiða úr flækjunni standi Guðrún við stóru orðin Vill flýta þjóðaratkvæðagreiðslu um aðild að ESB Kona féll fram af svölum fjölbýlishúss í Breiðholti Gulli hafi loksins unnið formannsslag Vonskuveður víða um land og Anora kom á óvart Telur tjónið nema milljarði: Mölbrotinn flygill og gólfið eins og sjávarbotn Ekki óvanalegt að kennarar fengju meiri hækkanir „Auðvitað hefur þetta áhrif á formannskjörið“ Aldan hrifsaði bíla og fólk út í sjó Svona skimarðu fyrir krabbameini í ristli heima hjá þér Telur að psilocybin og MDMA fái markaðsleyfi á næstu árum Segir reynsluna úr atvinnulífinu hafi skipt sköpum fyrir sigurinn Bein útsending: Daði situr fyrir svörum um styrkjamálið Margrét Dóróthea Sigfúsdóttir er látin Sóttu mann í ógöngum á Hólmatindi Lokuðu mann inni á meðan beðið var eftir lögreglu Sjá meira
Vísir greindi frá því fyrr í kvöld að Víðir Reynisson, sviðsstjóri almannavarna, yrði oddviti Samfylkingarinnar í Suðurkjördæmi. Fréttastofa náði svo tali af Víði sem er staddur á Spáni og var spenntur fyrir komandi kosningabaráttu. Ber þetta framboð skjótt að? „Það er tiltölulega stuttur aðdragandi. Flokksfélagar í Samfylkingunni á Suðurlandi sendu tilnefningar á uppstillingarnefndina. Það var haft samband við mig hvort ég væri til í að verða við þeirri áskorun og ég gerði það. Var fljótur að taka ákvörðun eftir að hafa tekið fjölskyldufund,“ segir Víðir. Alltaf haft augun á þingmennsku Er þetta eitthvað sem hefur blundað í þér? „Ég hef verið jafnaðarmaður alla ævi. Pabbi var í bæjarstjórn fyrir Alþýðuflokkinn í Vestmannaeyjum þegar ég bjó þar og mín fyrsta þátttaka í kosningum var að vera sendisveinn fyrir Alþýðuflokkinn þar. Ég var mjög ungur þegar ég gekk í Alþýðuflokkinn og fór svo yfir í Samfylkinguna þegar hún varð til. Ég hef alltaf haft augun á þessu, það hefur kannski ekki farið saman með þeim störfum sem ég hef verið í að vera virkur í stjórnmálum en þetta er alltaf sú leið sem ég hef horft á. Ég hugsaði þetta fyrir síðustu kosningar en þá fannst mér mörg verkefni óunnin í almannavörnum. Núna fannst mér tækifærið.“ Eru einhverjar áherslur sem þú ert með? „Það kemur engum á óvart að velferðarmálin og sérstaklega hvað varðar börn og unga fólkið okkar er mér mjög hugleikið. Auðvitað líka löggæslumálin og öryggismálin eru hlutir sem ég þekki mjög vel. Öryggismál í mjög víðu samhengi eftir mín störf síðustu tvo áratugi.“ „Við þurfum að halda áfram að fjölga lögreglumönnum og þurfum að horfa heildstætt á lögregluna í því samhengi. Við þurfum að horfa á það að lögreglan í heild sinni er þjónustustofnun og við þurfum að styrkja hana á öllum sviðum. Það hefur oft verið athygli á það sem er á götunni en við þurfum líka að styrkja rannsóknardeildina þannig að málin fái farveg hratt í gegnum kerfið. Þar eru sóknarfæri fyrir okkur.“ Hefur reynslu úr lögreglunni og atvinnulífinu Fólk hefur strax nefnt að þú gætir verið góður kandídat í dómsmálaráðherra. Ertu að horfa eitthvað í ráðherraembætti? „Nei, ég er fyrst og fremst að bjóða mig fram til þingsins og svo kemur það bara í ljós hvernig verkefnunum verður skipt þar. Ég vona bara að ég fái verkefni sem henta minni þekkingu. Minn bakgrunnur er mjög breiður, það þekkja mig flestir úr þessum almannavarna- og lögreglustörfum en ég kem úr iðnaðnum líka. Ég er húsasmiður að mennt, hef unnið sem smiður, verkamaður og við matvinnslu. Þannig ég hef ansi breiðan bakgrunn úr atvinnulífinu.“ „Við stefnum að því að taka þátt í næstu ríkisstjórn“ Víðir þekkir Suðurkjördæmi vel þó hann búi í Kópavogi. Hann ólst þar upp og hefur unnið ýmis störf í kjördæminu. „Ég er er fæddur og uppalin í Vestmannaeyjum og var þar við störf. Síðan var ég í lögreglunni á Suðurlandi í þrjú ár að vinna að almannavarnaverkefnum með sveitarfélögunum og að öryggis- og viðbragðsáætlunum. Ég þekki kjördæmið mjög vel og mínar rætur liggjar þar.“ Snýrð aftur í kjördæmið í kosningabaráttu. „Ég er mjög spenntur fyrir því og á von á því að hún verði góð. Það er mikið af góðu fólki sem vill gera gagn. Ég hef trú á því að skoðanaskiptin verði góð og á von á því að við munum koma sterk inn. Það er tími til breytinga og við sjáum Samfylkinguna nálgast hlutina með nýjum hætti með tilkomu Kristrúnar. Búið að vera mikil málefnavinna um land allt og við stefnum að því að taka þátt í næstu ríkisstjórn ef við fáum traust frá þjóðinni til þess,“ segir hann að lokum
Samfylkingin Alþingiskosningar 2024 Suðurkjördæmi Mest lesið Icelandair hættir flugi til Ísafjarðar Innlent Þungt haldinn eftir að hafa farið í sjóinn Innlent Telur einnar nætur virði að reyna að fá Spasskí Innlent Páfinn glímir við mikil öndunarvandræði en þó með meðvitund Erlent Kona féll fram af svölum fjölbýlishúss í Breiðholti Innlent Slegin óhug vegna eyðileggingarmáttar náttúruaflanna Innlent Kennari mun ekki hlýða snjallsímabanni í skólum Innlent Enginn uppfyllti skilyrðin í upphafi Innlent Sérsveitaraðgerð í Kópavogi Innlent Telur tjónið nema milljarði: Mölbrotinn flygill og gólfið eins og sjávarbotn Innlent Fleiri fréttir Icelandair hættir flugi til Ísafjarðar Telur einnar nætur virði að reyna að fá Spasskí Slegin óhug vegna eyðileggingarmáttar náttúruaflanna Fljúga tveimur vikum lengur Enginn uppfyllti skilyrðin í upphafi Þungt haldinn eftir að hafa farið í sjóinn Staðan sé betri í dag en í fyrradag Eyðilegging eftir óveður og bolluóðir landsmenn Samfylkingin eykur fylgið Fékk blóðnasir í pontu Sögðu 23 starfsmönnum sláturhússins upp Kennari mun ekki hlýða snjallsímabanni í skólum Sérsveitaraðgerð í Kópavogi Helgi Seljan byrjaður að vinna á RÚV Reynir að greiða úr flækjunni standi Guðrún við stóru orðin Vill flýta þjóðaratkvæðagreiðslu um aðild að ESB Kona féll fram af svölum fjölbýlishúss í Breiðholti Gulli hafi loksins unnið formannsslag Vonskuveður víða um land og Anora kom á óvart Telur tjónið nema milljarði: Mölbrotinn flygill og gólfið eins og sjávarbotn Ekki óvanalegt að kennarar fengju meiri hækkanir „Auðvitað hefur þetta áhrif á formannskjörið“ Aldan hrifsaði bíla og fólk út í sjó Svona skimarðu fyrir krabbameini í ristli heima hjá þér Telur að psilocybin og MDMA fái markaðsleyfi á næstu árum Segir reynsluna úr atvinnulífinu hafi skipt sköpum fyrir sigurinn Bein útsending: Daði situr fyrir svörum um styrkjamálið Margrét Dóróthea Sigfúsdóttir er látin Sóttu mann í ógöngum á Hólmatindi Lokuðu mann inni á meðan beðið var eftir lögreglu Sjá meira