Dagur flutti til Orlando í janúar 2023, eftir að hafa spilað með Breiðbaliki, Fylki, Keflavík og Haukum hér á landi, og einnig með Mjöndalen og Kvik Halden í Noregi.
Það eru félögin í MLS-deildinni sem að tilnefna eigin leikmenn og geta þau að hámarki tilnefnt tvo leikmenn í hverjum verðlaunaflokki.
Það eru svo leikmenn deildarinnar, starfsteymi liðanna og valdir fjölmiðlamenn sem sjá um að kjósa.
Dagur er annar af tveimur varnarmönnum Orlando City sem eru tilnefndir sem besti varnarmaður en hinn er Robin Jansson.
Jordi Alba einnig tilnefndur
Á meðal annarra sem tilnefndir eru í sama flokki er Jordi Alba, fyrrverandi leikmaður Barcelona sem endurnýjaði kynnin við Lionel Messi í Inter Miami.
Messi er einmitt einn af þeim sem tilnefndir eru sem mikilvægasti leikmaður tímabilsins, en hann hefur skorað sautján mörk og lagt upp tíu í átján deildarleikjum á þessu ári.
Dagur hefur skorað tvö mörk á leiktíðinni fyrir Orlando og er með liðinu í 4. sæti af 15 liðum austurdeildarinnar, en í 8. sæti í heildartöflunni. Orlando tryggði sér á dögunum endanlega sæti í úrslitakeppninni sem hefst síðar í þessum mánuði.
Dagur bíður enn eftir fyrsta tækifæri sínu í mótsleik með íslenska landsliðinu. Hann er ekki í hópnum sem mætir Wales á föstudag og Tyrklandi á mánudag, en á að baki fimm A-landsleiki, allt vináttuleiki og var sá síðasti gegn Gvatemala í janúar.
Tilnefndir sem varnarmaður ársins í MLS:
Akapo, Carlos - San Jose Earthquakes
Alba, Jordi - Inter Miami CF
Avilés, Tomás - Inter Miami CF
Bartlett, Lucas - D.C. United
Camacho, Rudy - Columbus Crew
dos Santos, Micael - Houston Dynamo FC
Eile, Noah - New York Red Bulls
Glad, Justen - Real Salt Lake
Gómez Andrade, Yeimar - Seattle Sounders FC
Gomis, Nicksoen - Toronto FC
Gray, Tayvon - New York City FC
Herrera, Aaron - D.C. United
Hines-Ike, Brendan - Austin FC
Jansson, Robin - Orlando City SC
Lennon, Brooks - Atlanta United
Long, Aaron - LAFC
Long, Kevin - Toronto FC
Malanda, Adilson - Charlotte FC
Martins, Thiago - New York City FC
Maxsø, Andreas - Colorado Rapids
Moreira, Steven - Columbus Crew
Palencia, Sergi - LAFC
Ragen, Jackson - Seattle Sounders FC
Robinson, Miles - FC Cincinnati
Rodrigues - San Jose Earthquakes
Rosenberry, Keegan - Colorado Rapids
Thórhallsson, Dagur Dan - Orlando City SC
Totland, Tomas - St. Louis CITY SC
Veselinović, Ranko - Vancouver Whitecaps FC
Waterman, Joel - CF Montréal
Yamane, Miki - LA Galaxy
Yedlin, DeAndre - FC Cincinnati
Yoshida, Maya - LA Galaxy
Zuparic, Dario - Portland Timbers