Handbolti

Þor­steinn Leó hafði betur gegn Sti­ven og Orri Freyr fer vel af stað

Runólfur Trausti Þórhallsson skrifar
Þorsteinn Leó í leik með U-21 árs landsliði Íslands.
Þorsteinn Leó í leik með U-21 árs landsliði Íslands. IHF

Portúgalska úrvalsdeildin í handbolta er farin af stað og þar eru þrír íslenskir leikmenn í aðalhlutverki. Þorsteinn Leó Gunnarsson og félagar í Porto lögðu Stiven Tobar Valencia og félaga í Benfica að velli á meðan Orri Freyr Þorkelsson og félagar í Sporting byrja af krafti.

Þorsteinn Leó gekk í raðir Porto frá Aftureldingu í sumar og skoraði fjögur mörk í þriggja marka sigri á Benfica, lokatölur 27-24. Stiven, sem er á sínu öðru tímabili í Portúgal, skoraði tvö mörk í leiknum. Um var að ræða fyrsta leik beggja liða í deildinni á þessari leiktíð.

Orri Freyr er einnig á sínu öðru tímabili í Portúgal og hann var sjóðandi heitur þegar Sporting vann 13 marka sigur á Vitória á heimavelli. Lokatölur 39-26 en Orri Freyr skoraði sjö af mörkum Sporting í leiknum.

Þetta var annar sigur Sporting í jafn mörgum leikjum og hefur það skorað 80 mörk í leikjunum tveimur.

Handbolti Portúgalski boltinn

Mest lesið


Fleiri fréttir

Sjá meira


×

Mest lesið