Al­freð stýrði Þýska­landi í úr­slita­leik Ólympíu­leikanna

Fyrri hálfleikur var mjög kaflaskiptur.Þýskaland byrjaði leikinn betur og skoraði fyrstu þrjú mörkin, Spánverjar tóku við sér og jöfnuðu stöðuna 6-6 en fengu þá aftur fjögur mörk í röð á sig. Þeim tókst þó að jafna í 12-12 fyrir hálfleik og í seinni hálfleik var mun minna um áhlaup.

Staðan hélst nokkurn veginn jöfn fram að lokamínútunum en þar var afar fátt um mörk.

Spánverjar tóku forystuna þegar tæpar átta mínútur voru eftir en Þjóðverjar skoruðu tvö mörk í kjölfarið og leiddu leikinn á endasprettinum.

Spánn fékk nokkrar sóknir og tækifæri til að jafna en tókst ekki að nýta það. Þjóðverjar fóru því með sigur og halda áfram í úrslit en Spánn spilar upp á bronsverðlaun.

Hverjir næstu andstæðingar verða á eftir að koma í ljós en Slóvenía og Danmörk mætast í undanúrslitum síðar í kvöld.