Hann er fæddur árið 2005, þykir afar efnilegur og kemur frá Breiðabliki þar sem hann er uppalinn. Á síðasta tímabili var hann lánaður til Grindavíkur og steig þar sín fyrstu skref í meistaraflokksfótbolta en sneri aftur til Breiðabliks þegar sumarglugginn lokaði.

Tækifærin þar hafa verið af skornum skammti með sterkan leikmannahóp. Dagur hefur því fært sig til hins félagsins í Kópavogi í leit að meiri spiltíma.
Hann hefur komið við sögu í 11 leikjum í efstu deild með Breiðablik og skorað eitt mark. Þar að auki hefur hann leikið með u19 og u20 ára landsliðum Íslands.