Lífið

„Helgi, er þetta mamma þín?“

Oddur Ævar Gunnarsson skrifar
Ragga og Helgi eru bestu vinir.
Ragga og Helgi eru bestu vinir.

Ragga nagli einkaþjálfari og heilsusálfræðingur veltir fyrir sér hvort hún sé svona ellileg eða hvort hennar besti vinur samfélagsmiðlastjarnan Helgi Ómars sé svona unglegur, eftir að vinkona hans spurði hann að því hvort hún væri móðir hans. Ellefu ár skilja þau að en hann er 33 ára en hún 44 ára.

Þetta kemur fram í léttri færslu Röggu á samfélagsmiðlinum Facebook, þar sem Ragga gerir góðlátlegt grín að málinu öllu saman. Ragga hefur undanfarin ár vakið athygli fyrir ráðleggingar sínar er varða bæði heilsu og andlega heilsu landsmanna.

„Það er ákveðinn skellur þegar 44 ára kona hangir með 33 ára gömlum besta vini sínum og ung stúlka sem hann þekkir spyr: „Helgi, er þetta mamma þín?“ skrifar Ragga á léttum nótum í færslunni sem vakið hefur mikla athygli.

Margir leggja orð í belg við færsluna sem rúmlega fimm hundruð manns hafa brugðist við. Segjast margir hafa lent í því nákvæmlega sama og Ragga, það er að segja vera spurð að því hvort þau séu foreldri einhvers sem er á svo gott sem sama aldri og þau.

Grín og gaman


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.