Fótbolti

Watkins vissi að hann myndi skora: „Ég sver það upp á líf mitt, og líf barna minna“

Ágúst Orri Arnarson skrifar
Ollie Watkins hefur beðið eftir sínum séns og nýtti hann vel. Sigurmarkið kom honum sjálfum ekkert á óvart.
Ollie Watkins hefur beðið eftir sínum séns og nýtti hann vel. Sigurmarkið kom honum sjálfum ekkert á óvart. Richard Pelham/Getty Images

„Ég sver það upp á líf mitt, og líf barna minna, ég sagði við Cole Palmer: við erum að fara að koma inn á og þú munt leggja sigurmarkið upp fyrir mig,“ sagði Ollie Watkins eftir sigurinn gegn Hollandi í undanúrslitum EM.

Það er nákvæmlega það sem gerðist. Þeir tveir komu inn á eftir um áttatíu mínútna leik, Cole Palmer lagði svo sigurmarkið upp á Ollie Watkins.

Færið var þröngt og erfitt, Watkins fékk boltann með mann í bakinu en sneri vel og skaut í fjærhornið.

„Ég vissi, um leið og hann [Cole Palmer] fékk boltann, að hann væri að fara stinga honum inn fyrir. Þá þurfti ég bara að vera gráðugur, snúa og skjóta strax. Þegar ég sá hann syngja í netinu, það var besta tilfinning sem ég hef upplifað,“ sagði Watkins að lokum í viðtali við ITV eftir leik.

EM 2024 í Þýskalandi

Mest lesið


Fleiri fréttir

Sjá meira


×

Mest lesið