Gefur að­eins grænt ljós á við­ræður við Manchester United

Það er félagsskiptasérfræðingurinn Fabrizio Romano greinir frá þessu en De Ligt vill komast frá þýska félaginu Bayern Munchen.

Fyrir komuna til Bayern hafði De Ligt verið á mála hjá Juventus á Ítalíu sem og Ajax í hollensku úrvalsdeildinni þar sem að hann vakti fyrst áhuga og var valinn leikmaður tímabilsins í hollandi tvö tímabil í röð. 

„Samkvæmt mínum heimildum er Manhcester United eina félagið sem hefur fengið grænt ljóst frá Mathijs de Ligt við því að hefja viðræður við Bayern Munchen. Engar viðræður eru í gangi milli umboðsmanns leikmannsins við Paris Saint-Germain eins og sakir standa. De Ligt setur Manchester United í forgang,“ segir í færslu sem að Romano birti á samfélagsmiðlinum X.

De Ligt er þessa dagana staddur með hollenska landsliðinu á EM í fótbolta í Þýskalandi. Þar er Holland komið í átta liða úrslit keppninnar og framundan viðureign gegn Tyrklandi um sæti í undanúrslitum mótsins. 

De Ligt hefur vermt varamannabekk Hollands í öllum leikjum liðsins á EM og ekki fengið mínútu inn á vellinum.