Flug frá Keflavík til Köben taki styttri tíma en meðaltími nauðgunar Rafn Ágúst Ragnarsson skrifar 28. júní 2024 15:47 Guðný S. Bjarnadóttir er stjórnarformaður Hagsmunasamtaka brotaþola. Vísir/Vilhelm Guðný S. Bjarnadóttir, stjórnarformaður Hagsmunasamtaka brotaþola, segist sitja upp með afleiðingar þess að lögregla hafi ekki sinnt rannsóknarskyldum sínum þegar hún varð fyrir grófu kynferðisbroti í eigin afmælisveislu. Hún segir meðaltíma sem kynferðisofbeldi standi yfir um fjórar og hálf klukkustund. „Ef fólk hefur ekki velt því fyrir sér hver meðaltíminn er sem kynferðisofbeldi stendur yfir að þá eru það um 4,5 klukkustundir. Flug frá Keflavík til Köben tekur styttri tíma en meðaltími nauðgunar. Það má vera að sumir skilji ekki hvernig karlmaður gæti enst svona lengi en raunin er sú, enn og aftur, að kynferðisofbeldi er ekki kynlíf og á ekkert skylt við kynlíf,“ skrifar Guðný í aðsendri grein á Vísi. Í greininni segir Guðný frá grófu ofbeldisbroti sem hún varð sjálf fyrir og eru viðkvæmir lesendur varaðir við lýsingunum. „Árásin á mig var plönuð.Gerandinn mætti í afmælið mitt með MDMA og svefntöflu, mér algerlega óafvitandi. Mér var byrlað og stóð verknaðurinn yfir í u.þ.b. 2 klukkutíma og 15 mínútur. Þetta veit ég því ég var með Garmin úr á mér á meðan þessu stóð og það mældi allt sem gerðist á þessum tíma: Hraða hjartsláttinn sem ég fékk þegar áhrifin af efnunum komu yfir mig. Hvernig púlsinn datt niður og hvernig hann rauk upp aftur þegar meiri efni voru sett upp í mig gegn mínum vilja,“ skrifar Guðný. Kynferðisofbeldi breyti kjarna manneskju til frambúðar Hún segir sér hafa verið haldið í annarlegu ástandi á meðan árásinni stóð og að hún hafi aðeins verið með meðvitund í örfá augnablik. Augnablik sem lifa svo skýrt í huga hennar að þau gefa henni martraðir enn þann dag í dag, tveimur og hálfu ári seinna. Guðný segir kynferðisofbeldi ekki einangrað atvik í lífi fólks sem verður fyrir því. Slíkt áfall breyti kjarna manneskju til frambúðar. „Ég upplifði algjört niðurbrot. Niðurbrot á mér sem manneskju, tóm að innan eftir að allt sem ég var hafði verið tekið frá mér. Í skýrslu úr áfallameðferðinni minni stendur: „óvíst hvort skjólstæðingur nái bata,““ skrifar Guðný. Guðný segir að það að tilkynna kynferðisofbeldi sé stórt skref sem ekki allir taki en að þess þó heldur sé mikilvægt að trúa þolendur þegar þau skref eru tekin. „Getur þú ímyndað þér að verða fyrir ofbeldi og árás í marga klukkutíma og enginn trúir þér? Sjaldnast eru vitni í svona málum. Sumum, eins og mér, er byrlað til að tryggja erfiðleika við að muna ofbeldið. Sum segja aldrei frá því og samfélagið okkar á erfitt með að heyra af ofbeldinu sem hér þrífst,“ skrifar Guðný. Mál falli niður af ótal ástæðum Hún segir samfélagið þurfa að horfast í augu við þetta hugslausa skrímsli sem kynferðisofbeldi er og hversu algengt það er í raun. Guðný segist jafnframt fyllast af miklu vonleysi þegar hún lesi eða heyri fólk tala um niðurfelld mál. Hún segist heyra að niðurfelld mál hljóti að vera byggð á lygi eða að ofbeldið hafi ekki verið svo alvarlegt fyrst málalyktir voru eins og þær voru. „Sannleikurinn er sá að mál eru felld niður af ótal mörgum ástæðum sem hefur ekkert alltaf með sönnunargögn eða trúverðugleika þolenda að gera. Mál eru stundum felld niður einfaldlega vegna þess að rannsókn lögreglu er talin ófullnægjandi af ákæruvaldinu. Vegna þess að verkferlum lögreglunnar er ekki fylgt eftir eða rannsókn tekið of langan tíma. Bókstaflega vegna þess að ekki var tikkað í öll boxin við rannsókn málsins,“ skrifar Guðný. Stefna tekin á framtíð með réttlæti fyrir þolendur Guðný segist bera merki þess ofbeldis sem hún varð fyrir utan á sér jafnt og sálinni og að hún sitji uppi með afleiðingar þess að lögregla hafi ekki sinnt rannsóknarskyldum sínum. „Mér er synjað um réttláta málsmeðferð. „Talin trúverðug í öllum skýrslutökum,“ stendur í málsgögnunum mínum. Myndirnar af mér, sem teknar voru á neyðarmóttökunni; háværar raddir sem kosið var að hlusta ekki á. Vettvangurinn sjálfur hunsaður,“ skrifar Guðný. „Í flugi þarf ekki að breyta stefnu nema um eina gráðu til að breyta um áfangastað. Ég fer því ekki til Köben heldur er stefnan tekin á framtíð með réttlæti fyrir þolendur,“ skrifar hún að lokum. Kynferðisofbeldi Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Það er ódýrast og best og fljótlegast að kála þessum dýrum“ Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Hafa „góða hugmynd“ hvar og hvenær stúlkunni var ráðinn bani Innlent Frambjóðandi Trump lýsti sér sem „svörtum nasista“ á klámsíðu Erlent Fleiri fréttir Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Sjá meira
„Ef fólk hefur ekki velt því fyrir sér hver meðaltíminn er sem kynferðisofbeldi stendur yfir að þá eru það um 4,5 klukkustundir. Flug frá Keflavík til Köben tekur styttri tíma en meðaltími nauðgunar. Það má vera að sumir skilji ekki hvernig karlmaður gæti enst svona lengi en raunin er sú, enn og aftur, að kynferðisofbeldi er ekki kynlíf og á ekkert skylt við kynlíf,“ skrifar Guðný í aðsendri grein á Vísi. Í greininni segir Guðný frá grófu ofbeldisbroti sem hún varð sjálf fyrir og eru viðkvæmir lesendur varaðir við lýsingunum. „Árásin á mig var plönuð.Gerandinn mætti í afmælið mitt með MDMA og svefntöflu, mér algerlega óafvitandi. Mér var byrlað og stóð verknaðurinn yfir í u.þ.b. 2 klukkutíma og 15 mínútur. Þetta veit ég því ég var með Garmin úr á mér á meðan þessu stóð og það mældi allt sem gerðist á þessum tíma: Hraða hjartsláttinn sem ég fékk þegar áhrifin af efnunum komu yfir mig. Hvernig púlsinn datt niður og hvernig hann rauk upp aftur þegar meiri efni voru sett upp í mig gegn mínum vilja,“ skrifar Guðný. Kynferðisofbeldi breyti kjarna manneskju til frambúðar Hún segir sér hafa verið haldið í annarlegu ástandi á meðan árásinni stóð og að hún hafi aðeins verið með meðvitund í örfá augnablik. Augnablik sem lifa svo skýrt í huga hennar að þau gefa henni martraðir enn þann dag í dag, tveimur og hálfu ári seinna. Guðný segir kynferðisofbeldi ekki einangrað atvik í lífi fólks sem verður fyrir því. Slíkt áfall breyti kjarna manneskju til frambúðar. „Ég upplifði algjört niðurbrot. Niðurbrot á mér sem manneskju, tóm að innan eftir að allt sem ég var hafði verið tekið frá mér. Í skýrslu úr áfallameðferðinni minni stendur: „óvíst hvort skjólstæðingur nái bata,““ skrifar Guðný. Guðný segir að það að tilkynna kynferðisofbeldi sé stórt skref sem ekki allir taki en að þess þó heldur sé mikilvægt að trúa þolendur þegar þau skref eru tekin. „Getur þú ímyndað þér að verða fyrir ofbeldi og árás í marga klukkutíma og enginn trúir þér? Sjaldnast eru vitni í svona málum. Sumum, eins og mér, er byrlað til að tryggja erfiðleika við að muna ofbeldið. Sum segja aldrei frá því og samfélagið okkar á erfitt með að heyra af ofbeldinu sem hér þrífst,“ skrifar Guðný. Mál falli niður af ótal ástæðum Hún segir samfélagið þurfa að horfast í augu við þetta hugslausa skrímsli sem kynferðisofbeldi er og hversu algengt það er í raun. Guðný segist jafnframt fyllast af miklu vonleysi þegar hún lesi eða heyri fólk tala um niðurfelld mál. Hún segist heyra að niðurfelld mál hljóti að vera byggð á lygi eða að ofbeldið hafi ekki verið svo alvarlegt fyrst málalyktir voru eins og þær voru. „Sannleikurinn er sá að mál eru felld niður af ótal mörgum ástæðum sem hefur ekkert alltaf með sönnunargögn eða trúverðugleika þolenda að gera. Mál eru stundum felld niður einfaldlega vegna þess að rannsókn lögreglu er talin ófullnægjandi af ákæruvaldinu. Vegna þess að verkferlum lögreglunnar er ekki fylgt eftir eða rannsókn tekið of langan tíma. Bókstaflega vegna þess að ekki var tikkað í öll boxin við rannsókn málsins,“ skrifar Guðný. Stefna tekin á framtíð með réttlæti fyrir þolendur Guðný segist bera merki þess ofbeldis sem hún varð fyrir utan á sér jafnt og sálinni og að hún sitji uppi með afleiðingar þess að lögregla hafi ekki sinnt rannsóknarskyldum sínum. „Mér er synjað um réttláta málsmeðferð. „Talin trúverðug í öllum skýrslutökum,“ stendur í málsgögnunum mínum. Myndirnar af mér, sem teknar voru á neyðarmóttökunni; háværar raddir sem kosið var að hlusta ekki á. Vettvangurinn sjálfur hunsaður,“ skrifar Guðný. „Í flugi þarf ekki að breyta stefnu nema um eina gráðu til að breyta um áfangastað. Ég fer því ekki til Köben heldur er stefnan tekin á framtíð með réttlæti fyrir þolendur,“ skrifar hún að lokum.
Kynferðisofbeldi Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Það er ódýrast og best og fljótlegast að kála þessum dýrum“ Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Hafa „góða hugmynd“ hvar og hvenær stúlkunni var ráðinn bani Innlent Frambjóðandi Trump lýsti sér sem „svörtum nasista“ á klámsíðu Erlent Fleiri fréttir Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Sjá meira