Vestri
Fram
Snæfríður Sól Jórunnardóttir sló eigið Íslandsmet í 200m skriðsundi þegar hún tryggði sig áfram í úrslit á Evrópumeistaramótinu í Belgrad.
Synt var í 50m laug og Snæfríður tók 200 metrana á 1:57,87.
Sló hún þannig eigið met um ellefu sekúndubrot, gamla metið var 1:57,98.
Hún nálgast óðfluga Ólympíulágmarkið sem er 1:57,26.
Snæfríður átti þriðja besta tímann af sextán keppendum í undanúrslitum.
Hún verður því ein af átta keppendum í úrslitunum á morgun sem hefjast klukkan 17:38.
Keppendalista og frekari upplýsingar má finna hér á heimasíðu evrópska sundsambandsins.
Anton Sveinn Mckee synti sig örugglega inn í undanúrslitin í 200 metra bringusundi á Evrópumeistaramótið í sundi í Belgrad í morgun.
