Innlent

Kjartan Bjarni enn metinn hæfastur

Árni Sæberg skrifar
Kjartan Bjarni Björgvinsson er settur landsréttardómari og verður skipaður landsréttardómari þann 1. september.
Kjartan Bjarni Björgvinsson er settur landsréttardómari og verður skipaður landsréttardómari þann 1. september. Vísir/Vilhelm

Kjartan Bjarni Björgvinsson, settur landsréttardómari, hefur verið metinn hæfastur þriggja umsækjenda um stöðu dómara við Landsrétt.

Þann 19. apríl 2024 auglýsti dómsmálaráðuneytið embætti dómara við Landsrétt laust til skipunar frá 1. september 2024. Dómnefnd um hæfni umsækjenda um embætti dómara hefur skilað umsögn sinni til dómsmálaráðherra og er það mat nefndarinnar að Kjartan Bjarni Björgvinsson sé hæfastur umsækjenda til að hljóta skipun í embættið.

Umsækjendur voru þeir Arnaldur Hjartarson héraðsdómari, Eiríkur Elís Þorláksson dósent og Kjartan Bjarni.

Kjartan Bjarni ætti að vera orðinn vanur því að vera metinn hæfastur þeirra sem vonast til þess að dæma við Landsrétt. Hann hefur tvívegis verið metinn jafnhæfastur Ásgerði Ragnarsdóttur landsréttardómara, sem varð hlutskarpari en hann í bæði skiptin, fyrst þegar sótt var um setningu og svo skipun.

Kjartan Bjarni var svo metinn hæfastur þegar embætti landsréttardómara var auglýst laust til setningar til 29. febrúar árið 2029 í september í fyrra. Þann 29. september tók hann sæti í Landsrétti.

Dómstólar Stjórnsýsla

Tengdar fréttir

Kjartan Bjarni metinn hæfastur

Dómnefnd metur það sem svo að Kjartan Bjarni Björgvinsson héraðsdómari sé hæfastur umsækjenda til að hljóta setningu í embætti dómara við Landsrétt sem auglýst var laust til umsóknar á dögunum. Fjórir sóttu um stöðuna.

Fjögur sóttu um stöðu dómara við Lands­rétt

Fjórir umsækjendur sóttu um embætti dómara við Landsrétt. Starfið er laust vegna leyfis skipaðs landsréttardómara og er skipað í það til og með 28. febrúar 2029.

Tvö vilja verða lands­réttar­dómari

Ásgerður Ragnarsdóttir settur landsréttardómari, og Kjartan Bjarni Björgvinsson héraðsdómari sóttu um eitt embætti dómara við Landsrétt, þegar það var auglýst laust til umsóknar í lok maí.

Ásgerður og Kjartan Bjarni metin hæfust

Dómnefnd um hæfni umsækjenda telur héraðsdómarana Ásgerði Ragnarsdóttur og Kjartan Bjarna Björgvinsson hæfust til að gegna embætti dómara við Landsrétt. Nefndin telur ekki hægt að gera upp á milli hæfni þeirra tveggja.

Mest lesið


Fleiri fréttir

Sjá meira


×

Mest lesið