Annasamir dagar framundan hjá Höllu Rafn Ágúst Ragnarsson skrifar 3. júní 2024 18:52 Guðni Th. Jóhannesson forseti Íslands rifjaði upp vikurnar fram að innsetningu sinni í Reykjavík síðdegis í dag. Vísir/Vilhelm Guðni Th. Jóhannesson fráfarandi forseti Íslands segir annasama daga bíða Höllu Tómasdóttur nýkjörins arftaka hans þrátt fyrir að hún taki ekki formlega við embættinu fyrr en í ágústbyrjun. Að ýmsu þurfi að huga þangað til að hinn örlagaríki fyrsti ágúst renni upp og innsetning sjöunda forseta lýðveldisins fer fram með pompi og prakt. Í viðtali í Reykjavík síðdegis í dag rifjar Guðni upp vikurnar og mánuðina sem komu í kjölfar þess að hann bar sigur úr býtum í kosningum til forseta Íslands árið 2016 og þegar hann tók formlega við embættinu í ágúst sama árs. „Maður fór yfir það í huganum hvernig maður vildi sinna embættinu og vissulega þarf maður að setja sig inn í ákveðin atriði sem lúta að til dæmis innsetningunni. Hvernig á að haga henni og framundan eru líka alls kyns viðburðir. Halla þarf að íhuga núna hvert hún vill fara fyrstu vikurnar og mánuðina. Og svo þarf hún að koma sér fyrir á nýjum stað,“ segir Guðni og bætir við að hann og Eliza hafi verið í samskiptum við næstu ábúendur á Bessastöðum. Lærir eitthvað nýtt á hverjum degi Guðni segir forseta ekki fá neina formlega kennslu í embættisstörfum en að starfsfólk skrifstofu forsetans sé alltaf til halds og trausts. Maður þurfi bara að spyrja þau og þá fær maður svör. „Svo er reynslan góður aðstoðarmaður ef svo má segja. Frá fyrsta degi er maður alltaf að læra eitthvað nýtt og þannig á það að vera,“ segir Guðni. Klippa: Hefði verið ágætt að hafa á ferilskránni að hafa synjað lögum staðfestingar til að geta sagt það en svoleiðis má forseti aldrei haga sér Umræðan spannaði vítt svið og var Guðni spurður út í hvort honum fyndist of mikið hafa verið gert úr valdsviði forsetaembættisins eins og gárungum varð tíðrætt um í aðdraganda kosninganna. „Kjósendur sýndu að þau forsetaefni sem lögðu mikla áherslu á það að hér væri allt í óefni og að forsetinn þyrfti að vera nánast einræðisherra eða í það minnsta einhvers konar eftirlitsmaður með vonlausu Alþingi fengu ekki brautargengi og það þýðir ekki að kenna öðrum en sjálfum sér um það ef svo fer,“ segir Guðni þá. Guðni kemur forsetaframbjóðendunum til varnar þegar hann var spurður út í misgott gengi þeirra í hraðaspurningum sem lagðar voru fyrir þá í kappræðum Stöðvar 2 í síðustu viku. Frambjóðendurnir svöruðu misvel. Guðni segist ekki hafa getað náð öllum spurningunum réttum. „Ég hefði ekki munað að aðalsöguhetjan í Englum alheimsins heiti Páll og ég hefði ekki náð Helgu hinni fögru. Ég er ekki það vel lesinn í Gunnlaugs sögu Ormstungu en ég held ég hefði náð öllu hinu. Svona krossapróf eru náttúrlega ekki á dýptina en hver sem gegnir þessu embætti þarf auðvitað að hafa áhuga á íslenskri menningu og sögu og tungu og það er engin hætta á ferðum þar,“ segir Guðni. Hverfur aftur í Háskólann Að lokum berst talið að því sem tekur við hjá Guðna sem lætur af embætti aðfaranótt fyrsta ágúst næstkomandi. Guðni stefnir aftur í Háskólann þar sem hann vill halda áfram að sinna sagnfræðinni sem hann er vafalaust ekki haft nægan tíma til að sinna á síðustu átta árum. „Ég hverf í þann heim sem ég var í. Það er sagnfræðin og ég er með í smíðum rit um sögu landhelgismálsins og þorskastríðanna sem mér finnst mjög gaman að sinna. Það eru alls konar tækifæri sem vakna við það að vera fyrrverandi forseti,“ segir Guðni. „Auðvitað er það svo að maður er á berangri á Bessastöðum og ber einn ábyrgð á öllu sem embættið snýst um og það getur verið yfirþyrmandi. En fyrst og fremst heiður og þakklæti og gleði yfir því að vita að embættið er á góðum stað. Mikið er rætt núorðið um minnkandi traust til ýmissa stofnana í samfélaginu og mér þykir vænt um það að traust til embættis forseta Íslands hefur verið stöðugt og mikið. Ég tel það mikilvægt að Íslendingar beri þetta traust til embættisins. Þannig held ég að okkur muni best farnast,“ segir Guðni að lokum. Forseti Íslands Forsetakosningar 2024 Halla Tómasdóttir Guðni Th. Jóhannesson Mest lesið Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Skerjafjarðarskáldið krefst afsökunarbeiðni – annars fer það í mál Innlent Frambjóðandi Trump lýsti sér sem „svörtum nasista“ á klámsíðu Erlent Eiginmaður íslenskrar konu lét sig hverfa rétt eftir brúðkaupið Innlent Íbúar Springfield klofnir í afstöðu sinni til heimsóknar Trump Erlent „Það er ódýrast og best og fljótlegast að kála þessum dýrum“ Innlent Fleiri fréttir Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Sjá meira
Í viðtali í Reykjavík síðdegis í dag rifjar Guðni upp vikurnar og mánuðina sem komu í kjölfar þess að hann bar sigur úr býtum í kosningum til forseta Íslands árið 2016 og þegar hann tók formlega við embættinu í ágúst sama árs. „Maður fór yfir það í huganum hvernig maður vildi sinna embættinu og vissulega þarf maður að setja sig inn í ákveðin atriði sem lúta að til dæmis innsetningunni. Hvernig á að haga henni og framundan eru líka alls kyns viðburðir. Halla þarf að íhuga núna hvert hún vill fara fyrstu vikurnar og mánuðina. Og svo þarf hún að koma sér fyrir á nýjum stað,“ segir Guðni og bætir við að hann og Eliza hafi verið í samskiptum við næstu ábúendur á Bessastöðum. Lærir eitthvað nýtt á hverjum degi Guðni segir forseta ekki fá neina formlega kennslu í embættisstörfum en að starfsfólk skrifstofu forsetans sé alltaf til halds og trausts. Maður þurfi bara að spyrja þau og þá fær maður svör. „Svo er reynslan góður aðstoðarmaður ef svo má segja. Frá fyrsta degi er maður alltaf að læra eitthvað nýtt og þannig á það að vera,“ segir Guðni. Klippa: Hefði verið ágætt að hafa á ferilskránni að hafa synjað lögum staðfestingar til að geta sagt það en svoleiðis má forseti aldrei haga sér Umræðan spannaði vítt svið og var Guðni spurður út í hvort honum fyndist of mikið hafa verið gert úr valdsviði forsetaembættisins eins og gárungum varð tíðrætt um í aðdraganda kosninganna. „Kjósendur sýndu að þau forsetaefni sem lögðu mikla áherslu á það að hér væri allt í óefni og að forsetinn þyrfti að vera nánast einræðisherra eða í það minnsta einhvers konar eftirlitsmaður með vonlausu Alþingi fengu ekki brautargengi og það þýðir ekki að kenna öðrum en sjálfum sér um það ef svo fer,“ segir Guðni þá. Guðni kemur forsetaframbjóðendunum til varnar þegar hann var spurður út í misgott gengi þeirra í hraðaspurningum sem lagðar voru fyrir þá í kappræðum Stöðvar 2 í síðustu viku. Frambjóðendurnir svöruðu misvel. Guðni segist ekki hafa getað náð öllum spurningunum réttum. „Ég hefði ekki munað að aðalsöguhetjan í Englum alheimsins heiti Páll og ég hefði ekki náð Helgu hinni fögru. Ég er ekki það vel lesinn í Gunnlaugs sögu Ormstungu en ég held ég hefði náð öllu hinu. Svona krossapróf eru náttúrlega ekki á dýptina en hver sem gegnir þessu embætti þarf auðvitað að hafa áhuga á íslenskri menningu og sögu og tungu og það er engin hætta á ferðum þar,“ segir Guðni. Hverfur aftur í Háskólann Að lokum berst talið að því sem tekur við hjá Guðna sem lætur af embætti aðfaranótt fyrsta ágúst næstkomandi. Guðni stefnir aftur í Háskólann þar sem hann vill halda áfram að sinna sagnfræðinni sem hann er vafalaust ekki haft nægan tíma til að sinna á síðustu átta árum. „Ég hverf í þann heim sem ég var í. Það er sagnfræðin og ég er með í smíðum rit um sögu landhelgismálsins og þorskastríðanna sem mér finnst mjög gaman að sinna. Það eru alls konar tækifæri sem vakna við það að vera fyrrverandi forseti,“ segir Guðni. „Auðvitað er það svo að maður er á berangri á Bessastöðum og ber einn ábyrgð á öllu sem embættið snýst um og það getur verið yfirþyrmandi. En fyrst og fremst heiður og þakklæti og gleði yfir því að vita að embættið er á góðum stað. Mikið er rætt núorðið um minnkandi traust til ýmissa stofnana í samfélaginu og mér þykir vænt um það að traust til embættis forseta Íslands hefur verið stöðugt og mikið. Ég tel það mikilvægt að Íslendingar beri þetta traust til embættisins. Þannig held ég að okkur muni best farnast,“ segir Guðni að lokum.
Forseti Íslands Forsetakosningar 2024 Halla Tómasdóttir Guðni Th. Jóhannesson Mest lesið Fundu lík karlmanns í Reynisfjalli Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Kona á níræðisaldri sá björninn í þriggja metra fjarlægð Innlent Skerjafjarðarskáldið krefst afsökunarbeiðni – annars fer það í mál Innlent Frambjóðandi Trump lýsti sér sem „svörtum nasista“ á klámsíðu Erlent Eiginmaður íslenskrar konu lét sig hverfa rétt eftir brúðkaupið Innlent Íbúar Springfield klofnir í afstöðu sinni til heimsóknar Trump Erlent „Það er ódýrast og best og fljótlegast að kála þessum dýrum“ Innlent Fleiri fréttir Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Sjá meira