Magnús Geir vill fimm ár í viðbót í Þjóðleikhúsinu Hólmfríður Gísladóttir skrifar 17. maí 2024 06:40 Magnús Geir segir mikið líf og fjör í Þjóðleikhúsinu og hann hafi hug á því að halda áfram störfum. „Ég er sannarlega glaður hér í Þjóðleikhúsinu og nýt mín vel með mínu samstarfsfólki,“ segir Magnús Geir Þórðarson þjóðleikhússtjóri, spurður að því hvort hann hyggist sækjast eftir því að sinna starfinu áfram eftir að skipunartíma hans lýkur í árslok. Já, hann hefur hug á því að vera áfram, segir hann beðinn um afdráttarlausara svar en tilefni fyrirspurnarinnar eru umsagnir um frumvarp um Þjóðaróperu, sem fyrirhugað er að starfrækja innan Þjóðleikhússins. Óperustjóri verður samkvæmt skipuriti undir þjóðleikhússtjóra. Vísir greindi frá því í vikunni að í tveimur umsögnum um frumvarpið væri því gerður skórinn að ef til vill væri heppilegast að auglýsa stöðu þjóðleikhússtjóra þegar skipunartíma Magnúsar lýkur, nú þegar breytingar eru að verða á starfinu og ábyrgðinni sem því fylgir. Í það minnsta að hafið verði yfir allan vafa að ráðherra sé heimilt að endurskipa Magnús með tilliti til þess að starfið hefur breyst og ábyrgðin aukist. „Ég dreg ekki dul á að innan sviðslistageirans hefur þessi staða verið til umræðu og því sé nefndinni brýnt að láta kanna hjá sérfræðingum sínum það álitamál sem hér um ræðir og fylgja niðurstöðum þeirrar könnunar eftir í umsögn sinni þingi og ráðherra til leiðbeiningar,“ segir Páll Baldvin Baldvinsson meðal annars í umsögn sinni. Óperustjóri muni njóta mikils sjálfstæðis Magnús Geir segist telja frumvarpið um Þjóðaróperu gott og skynsamlegt fyrir sviðslistir í landinu. „Við hins vegar bíðum bara átekta að sjá hver framvinda málsins verður,“ segir hann spurður að því hvort hann telji sjálfur þörf á því að auglýsa starfið hans á ný. „Auðvitað verður þetta ákveðin breyting á starfi Þjóðleikhússins,“ bætir hann við, „en í grunninn samt ekki. Meginlínur í starfi Þjóðleikhússins munu ekki breytast ef þetta frumvarp um Þjóðaróperu verður að veruleika, þó að tilkoma Þjóðaróperu verði auðvitað mikilvæg viðbót við starfsemi Þjóðleikhússins og sviðslistir í landinu.“ Magnús segist telja heilmikil tækifæri felast í samlegð leikhússins og óperunnar en ítrekar að gert sé ráð fyrir miklu sjálfstæði óperustjóra. Nánari útfærsla á samstarfinu komi í ljós þegar óperustjóri hefur verið ráðinn. Spurður að því hvaða áhrif þetta muni hafa í framkvæmd og hvort þjóðleikhússtjóri hafi þá boðvald yfir óperustjóra, segir Magnús það í raun skýrt ágætlega í greinargerð með frumvarpinu. „Og eins og þar segir ber þjóðleikhússtjóri eftir sem áður ábyrgð á rekstri og allri starfsemi Þjóðleikhússins, gagnvart þjóðleikhúsráði og ráðherra. En óperustjóri nýtur mikils sjálfstæðis og stýrir óperuhluta Þjóðleikhússins.“ Magnús segir Þjóðleikhúsið styðja frumvarpið eins og það liggur fyrir og nú bíði menn bara átekta á meðan málið sé í meðförum þingsins. Ráðuneytið telur ekki þörf á að auglýsa starfið að nýju Menningar- og viðskiptaráðuneytið skilaði á þriðjudaginn inn svörum við fyrirspurnum allsherjar- og menntamálanefndar þar sem meðal annars var óskað eftir viðbrögðum ráðuneytisins við umsögnum. Þar sagði um umsögn Páls Baldvins að ráðherra yrði heimilt en ekki skylt að auglýsa starf þjóðleikhússtjóra að skipunartíma loknum og hefði svigrúm til að leggja sjálfstætt mat á hvora leiðina hann færi; að endurskipa í starfið án auglýsingar eða auglýsa það á nýju. Í svörum ráðuneytisins er vikið að þeirri meginreglu að skipunartími embættismanna endurnýjaðist sjálfkrafa eftir fim már ef viðkomandi væri ekki tilkynnt sex mánuðum áður að starfið yrði auglýst. Þá væri fjallað um það í lögum um sviðslistir að þjóðleikhússtjóra mætti skipa í tvö en ekki fleiri samfelld skipunartímabil. Það sé mat ráðuneytisins að sú breyting sem verður á starfsemi Þjóðleikhússins með tilkomu Þjóðaróperu undir hatti leikhússins kalli ekki á breytingar. Þannig virðist ráðuneytið ekki telja að breytinga sé þörf, þrátt fyrir að breytingar á störfum og ábyrgð þjóðleikhússtjóra. Ráðuneytið kemur inn á það í svörum sínum að í umræðum um frumvarp um sviðslistir hafi staðið til að skylt yrði að auglýsa starf þjóðleikhússtjóra í lok hvers skipunartímabils. Þessu hafi hins vegar verið breytt að tillögu allsherjar- og menntamálanefndar. „Löggjafinn hefur mætt þeim sjónarmiðum sem teflt er fram um mikilvægi endurnýjunar forstöðumanna menningarstofnana með því að setja 10 ára hámark á skipunartímann, en ekki með því að krefjast auglýsingar í lok hvers fimm ára tímabils,“ segir í svörum ráðuneytisins. Menning Þjóðaróperan Leikhús Mest lesið Lýsa miklum troðningi, átökum og gráti á FM95BLÖ Innlent Stutt pása hleypti öllu í bál og brand Innlent Þrír fluttir á bráðamóttökuna af tónleikum FM95BLÖ Innlent Gengst við eftirlíkingunum: „Ég þekki ekki þessi lög og seldi þessar myndir ekki“ Innlent Sprengjuflugvélar loga víða í Rússlandi Erlent Kosti tugi milljóna að hirða yfirgefin húsgögn Innlent „Okkur þykir það mjög miður að þessar aðstæður hafi skapast“ Innlent Tveir löðrungar og fall líklega ekki orsök andlátsins Innlent „Glatað að heyra af því að fólk hafi meitt sig“ Innlent „Hann vildi ekki klaga, klaga hvern þá?“ Innlent Fleiri fréttir Sögulegur „köngulóavefur“, troðningur á tónleikum og stemning á degi sjómanna „Glatað að heyra af því að fólk hafi meitt sig“ Stærsta brautskráning í sögu skólans Einn lagður inn á sjúkrahús eftir tónleikana Gengst við eftirlíkingunum: „Ég þekki ekki þessi lög og seldi þessar myndir ekki“ „Okkur þykir það mjög miður að þessar aðstæður hafi skapast“ „Hann vildi ekki klaga, klaga hvern þá?“ Stefnir í metkjörsókn í pólsku forsetakosningunum Viðvaranir vegna snjókomu og hríðar: „Þetta eru mikil vonbrigði“ Útlendingaandúð sé vinsæl leið til að marka sér stöðu á samfélagsmiðlum Nýr verslunarkjarni opnaður á Selfossi Stutt pása hleypti öllu í bál og brand Fór ekki út úr húsi eftir afsögnina Troðningur í Laugardalshöll, óveður og sjómannadeginum fagnað Landsmálin, fiskveiðistjórnun og Ásthildur Lóa í Sprengisandi Lýsa miklum troðningi, átökum og gráti á FM95BLÖ Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Sjá meira
Já, hann hefur hug á því að vera áfram, segir hann beðinn um afdráttarlausara svar en tilefni fyrirspurnarinnar eru umsagnir um frumvarp um Þjóðaróperu, sem fyrirhugað er að starfrækja innan Þjóðleikhússins. Óperustjóri verður samkvæmt skipuriti undir þjóðleikhússtjóra. Vísir greindi frá því í vikunni að í tveimur umsögnum um frumvarpið væri því gerður skórinn að ef til vill væri heppilegast að auglýsa stöðu þjóðleikhússtjóra þegar skipunartíma Magnúsar lýkur, nú þegar breytingar eru að verða á starfinu og ábyrgðinni sem því fylgir. Í það minnsta að hafið verði yfir allan vafa að ráðherra sé heimilt að endurskipa Magnús með tilliti til þess að starfið hefur breyst og ábyrgðin aukist. „Ég dreg ekki dul á að innan sviðslistageirans hefur þessi staða verið til umræðu og því sé nefndinni brýnt að láta kanna hjá sérfræðingum sínum það álitamál sem hér um ræðir og fylgja niðurstöðum þeirrar könnunar eftir í umsögn sinni þingi og ráðherra til leiðbeiningar,“ segir Páll Baldvin Baldvinsson meðal annars í umsögn sinni. Óperustjóri muni njóta mikils sjálfstæðis Magnús Geir segist telja frumvarpið um Þjóðaróperu gott og skynsamlegt fyrir sviðslistir í landinu. „Við hins vegar bíðum bara átekta að sjá hver framvinda málsins verður,“ segir hann spurður að því hvort hann telji sjálfur þörf á því að auglýsa starfið hans á ný. „Auðvitað verður þetta ákveðin breyting á starfi Þjóðleikhússins,“ bætir hann við, „en í grunninn samt ekki. Meginlínur í starfi Þjóðleikhússins munu ekki breytast ef þetta frumvarp um Þjóðaróperu verður að veruleika, þó að tilkoma Þjóðaróperu verði auðvitað mikilvæg viðbót við starfsemi Þjóðleikhússins og sviðslistir í landinu.“ Magnús segist telja heilmikil tækifæri felast í samlegð leikhússins og óperunnar en ítrekar að gert sé ráð fyrir miklu sjálfstæði óperustjóra. Nánari útfærsla á samstarfinu komi í ljós þegar óperustjóri hefur verið ráðinn. Spurður að því hvaða áhrif þetta muni hafa í framkvæmd og hvort þjóðleikhússtjóri hafi þá boðvald yfir óperustjóra, segir Magnús það í raun skýrt ágætlega í greinargerð með frumvarpinu. „Og eins og þar segir ber þjóðleikhússtjóri eftir sem áður ábyrgð á rekstri og allri starfsemi Þjóðleikhússins, gagnvart þjóðleikhúsráði og ráðherra. En óperustjóri nýtur mikils sjálfstæðis og stýrir óperuhluta Þjóðleikhússins.“ Magnús segir Þjóðleikhúsið styðja frumvarpið eins og það liggur fyrir og nú bíði menn bara átekta á meðan málið sé í meðförum þingsins. Ráðuneytið telur ekki þörf á að auglýsa starfið að nýju Menningar- og viðskiptaráðuneytið skilaði á þriðjudaginn inn svörum við fyrirspurnum allsherjar- og menntamálanefndar þar sem meðal annars var óskað eftir viðbrögðum ráðuneytisins við umsögnum. Þar sagði um umsögn Páls Baldvins að ráðherra yrði heimilt en ekki skylt að auglýsa starf þjóðleikhússtjóra að skipunartíma loknum og hefði svigrúm til að leggja sjálfstætt mat á hvora leiðina hann færi; að endurskipa í starfið án auglýsingar eða auglýsa það á nýju. Í svörum ráðuneytisins er vikið að þeirri meginreglu að skipunartími embættismanna endurnýjaðist sjálfkrafa eftir fim már ef viðkomandi væri ekki tilkynnt sex mánuðum áður að starfið yrði auglýst. Þá væri fjallað um það í lögum um sviðslistir að þjóðleikhússtjóra mætti skipa í tvö en ekki fleiri samfelld skipunartímabil. Það sé mat ráðuneytisins að sú breyting sem verður á starfsemi Þjóðleikhússins með tilkomu Þjóðaróperu undir hatti leikhússins kalli ekki á breytingar. Þannig virðist ráðuneytið ekki telja að breytinga sé þörf, þrátt fyrir að breytingar á störfum og ábyrgð þjóðleikhússtjóra. Ráðuneytið kemur inn á það í svörum sínum að í umræðum um frumvarp um sviðslistir hafi staðið til að skylt yrði að auglýsa starf þjóðleikhússtjóra í lok hvers skipunartímabils. Þessu hafi hins vegar verið breytt að tillögu allsherjar- og menntamálanefndar. „Löggjafinn hefur mætt þeim sjónarmiðum sem teflt er fram um mikilvægi endurnýjunar forstöðumanna menningarstofnana með því að setja 10 ára hámark á skipunartímann, en ekki með því að krefjast auglýsingar í lok hvers fimm ára tímabils,“ segir í svörum ráðuneytisins.
Menning Þjóðaróperan Leikhús Mest lesið Lýsa miklum troðningi, átökum og gráti á FM95BLÖ Innlent Stutt pása hleypti öllu í bál og brand Innlent Þrír fluttir á bráðamóttökuna af tónleikum FM95BLÖ Innlent Gengst við eftirlíkingunum: „Ég þekki ekki þessi lög og seldi þessar myndir ekki“ Innlent Sprengjuflugvélar loga víða í Rússlandi Erlent Kosti tugi milljóna að hirða yfirgefin húsgögn Innlent „Okkur þykir það mjög miður að þessar aðstæður hafi skapast“ Innlent Tveir löðrungar og fall líklega ekki orsök andlátsins Innlent „Glatað að heyra af því að fólk hafi meitt sig“ Innlent „Hann vildi ekki klaga, klaga hvern þá?“ Innlent Fleiri fréttir Sögulegur „köngulóavefur“, troðningur á tónleikum og stemning á degi sjómanna „Glatað að heyra af því að fólk hafi meitt sig“ Stærsta brautskráning í sögu skólans Einn lagður inn á sjúkrahús eftir tónleikana Gengst við eftirlíkingunum: „Ég þekki ekki þessi lög og seldi þessar myndir ekki“ „Okkur þykir það mjög miður að þessar aðstæður hafi skapast“ „Hann vildi ekki klaga, klaga hvern þá?“ Stefnir í metkjörsókn í pólsku forsetakosningunum Viðvaranir vegna snjókomu og hríðar: „Þetta eru mikil vonbrigði“ Útlendingaandúð sé vinsæl leið til að marka sér stöðu á samfélagsmiðlum Nýr verslunarkjarni opnaður á Selfossi Stutt pása hleypti öllu í bál og brand Fór ekki út úr húsi eftir afsögnina Troðningur í Laugardalshöll, óveður og sjómannadeginum fagnað Landsmálin, fiskveiðistjórnun og Ásthildur Lóa í Sprengisandi Lýsa miklum troðningi, átökum og gráti á FM95BLÖ Brot á vopnalögum og líkamsárás á tónleikum Tveir löðrungar og fall líklega ekki orsök andlátsins Þrír fluttir á bráðamóttökuna af tónleikum FM95BLÖ Tékknesk herþota hluti af árlegri flugsýningu Kosti tugi milljóna að hirða yfirgefin húsgögn „Fallegur dagur“ fyrir útskrift Banaslysið haft áhrif á undirbúning manngerðra íshella Sagðist ekki hafa orðið var við átök: „Ég var eins og pabbi þeirra“ Gamlir Fóstbræður sungu fyrir Njál og hans fólk á Bergþórshvoli Einn fékk rúmar fimmtíu milljónir Lengri opnunartímar sundlauga taka gildi „Við erum engir rasistar“ Kolmónoxíðeitrun talin vera orsök veikinda í flugvél Hasar á tvöföldum mótmælum, flugsýning og tryllitæki í beinni Sjá meira