Sól og allt að þrettán gráður í borginni

Í textaspá Veðurstofunnar kemur fram að í dag verði norðlæg eða breytileg átt, 3-8 m/s, og bjartviðri, en skýjað verði með köflum á Norður- og Austurlandi og stöku skúrir eða él.

Á morgun taki svo að hvessa, norðan 5-13 m/s, hvassast fyrir austan. Svo bæti í úrkomu um landið norðaustanvert annað kvöld.

Í hugleiðingum veðurfræðings segir að á laugardag bæti í úrkomu um landið norðaustan- og austanvert, þar verði dálítil snjókoma eða él en áfram bjart sunnan- og vestantil. Þá kólni aðeins í veðri.

Veðurhorfur á landinu næstu daga

Á föstudag:

Norðan 5-13 m/s, hvassast fyrir austan. Léttskýjað sunnan- og vestanlands, en skýjað og lítilsháttar él norðaustantil. Hiti 0 til 13 stig að deginum, hlýjast á Suðurlandi.

Á laugardag:

Norðanlæg átt, 5-13 og dálítil snjókoma eða él norðan- og austantil, en bjartviðri suðvestanlands. Hiti 0 til 9 stig yfir daginn, mildast syðst.

Á sunnudag og mánudag:

Norðaustan 5-10 og skúrir eða él við suður- og austurströndina, en þurrt að kalla fyrir norðan. Hiti 5 til 10 stig að deginum sunnan- og vestanlands, en um frostmark á Norður- og Austurlandi.

Á þriðjudag:

Norðvestlæg átt og dálítil él fyrir austan, en bjartviðri á Suður og Vesturlandi. Hiti breytist lítið.

Á miðvikudag:

Útlit fyrir suðvestlæga átt og þykknar upp vestanlands, en yfirleitt léttskýjað austanlands og hlýnar í veðri.