Þrenna frá Maríu þegar Fortuna flaug í bikar­úr­slit

Hildur Antonsdóttir og María Catharina Ólafsdóttir Gros voru báðar í byrjunarliði Fortuna Sittard í undanúrslitaleiknum gegn Excelsior í dag.  Lið Fortuna situr í 4. sæti hollensku deildarinnar en Excelsior er neðst.

Tessa Wullaert kom Fortuna í 1-0 forystu strax á 6. mínútu leiksins og bætti öðru marki við snemma í síðari hálfleiknum. Þá var komið að þætti Maríu Gros. Hún skoraði þriðja mark Fortuna á 76. mínútu, bætti öðru marki við tíu mínútum síðar og fullkomnaði þrennuna í uppbótartíma. Mögnuð frammistaða hjá Maríu, þrjú mörk á innan við tuttugu mínútum.

Lokatölur 5-0 og Íslendingaliðið því komið í úrslitaleik hollenska bikarsins þar sem liðið mætir Ajax en er í 2. sæti hollensku deildarinnar. Lára Kristín Pedersen kom inn sem varamaður hjá liði Fortuna Sittard á 90. mínútu.