Toppurinn á spírunni fundinn: „Margir í sjokki og enn að ná sér“ Lovísa Arnardóttir og Gunnar Reynir Valþórsson skrifa 17. apríl 2024 11:00 Spíran sem trónaði á toppi Børsen þar til í gær. Vísir/EPA Viðbragðsaðilar eru enn við störf við Børsen í Kaupmannahöfn. Rannsókn lögreglu á upptökum brunans er hafin en lögregla hefur enn ekki fengið að fara inn í húsið. Danir eru margir í áfalli yfir brunanum og vilji til að fara í endurbyggingu á því. Toppurinn á spírunni á Børsen í Kaupmannahöfn er nú fundinn og verður notaður í endurbyggingu spírunnar Brian Mikkelsen forstjóri danska viðskiptaráðsins, Dansk Erhverv, sem er eigandi byggingarinnar, segir það mikið gleðiefni. Toppurinn samanstóð af fjórum snúnum drekaskottum. „Þetta gefur okkur smá von,“ segir Mikkelsen í viðtali við danska miðilinn DR. Spíran féll af turni byggingarinnar í bruna í gær. Skjáskot úr viðtali á vef DR þar sem Mikkelsen heldur á toppi spírunnar.Skjáskot/DR.dk Enn eru viðbragðsaðilar á vettvangi við störf og vinna að því að slökkva í síðustu glæðunum. Líklegt er að það takist ekki fyrr en á morgun. Ekki er talið öruggt að fara inn í þann hluta hússins sem er brunninn og er því ólíklegt að rannsakendur geti komist að uppruna brunans í dag. Það verður fyrsta verk lögreglu þegar hún fær aðgang að húsinu. Svæðið í kringum bygginguna er lokað og verður það áfram þar til á morgun samkvæmt tilkynningu lögreglunnar. Götulokunin tekur til dæmis til Vindebrogade, Børsgade og Slotsholmsgade Mikill fjöldi fylgist með aðgerðum viðbragðsaðila í Kaupmannahöfn. Vísir/EPA „Vanir rannsakendur geta fundið vísbendingar sem geta leitt þá að upptökum jafnvel þó að byggingin sé brunninn til kaldra kola,“ segir Ib Bertelssen sem starfar fyrir Öryggis- og brunastofnun Danmerkur, Dansk Brand- og Sikringsteknisk Institut. Hann segir erfitt verk fram undan fyrir rannsakendur og að gæta þurfi vel að öryggi þeirra sem muni koma að rannsókninni. Rannsókn lögreglu hafin Rannsókn lögreglu er þó hafin og er hún nú að taka viðtöl við vitni og starfsmenn byggingarinnar. Í tilkynningu frá lögreglunni í morgun kom fram að rannsókn málsins muni að öllum líkindum taka marga mánuði. „Ég held að það sé óhætt að segja að það sé nokkuð þungt hljóð í borgarbúum. Þetta er á allra vörum vissulega og mörgum mikið niðri fyrir eftir þennan bruna,“ segir Elín Margrét Böðvarsdóttir býr og starfar í Kaupmannahöfn. Byggingin hafi mikla og djúpa merkingu hjá mörgum Dönum. Meiri en hún hafði áður gert sér grein fyrir. „Það eru margir í sjokki og enn að ná sér.“ De nuværende afspærringer omkring Børsen forventes opretholdt indtil i morgen tidlig. Har man et køretøj inden for afspærringen, som man har behov for at få ud, skal man henvende sig ved vores kommandostation, som er ved Rytterstatuen på Christiansborg Slotsplads #politidk pic.twitter.com/jLyXdXpALo— Københavns Politi (@KobenhavnPoliti) April 17, 2024 Almenningur hefur verið beðinn að halda sig frá svæðinu til að viðhalda öryggi og hefur Elín því ekki komið á svæðið en segir að hún hafi séð loga í gær og fundið fyrir sterkri brunalykt í miðbæ Kaupmannahafnar. „Þetta er bygging sem er mikill svipur að og mikill missir af henni.“ Hún á von á því að byggingin verði endurbyggð og telur að það sé mikill vilji fyrir því í dönsku samfélagi. Það muni kosta og taka tíma en að ríki og einkaframtak muni saman koma að endurbyggingunni. Um 400 ára gamalt Eldurinn kviknaði snemma í gær og er hálft húsið líklega ónýtt. Greint var frá því í gær að tekist hefði að bjarga miklu magni verðmæta sem geymd voru í byggingunni. Byggingin hýsti dönsku kauphöllina til ársins 1974, en endurbætur á byggingunni hafa staðið yfir síðustu ár og átti að frumsýna breytingarnar á næsta ári á 400 ára afmæli hússins. Ekki er talið að neinn hafi slasast vegna brunans. Húsið var byggt árið 1620 og stendur við hlið danska þinghússins. Spíra á toppi hússins brann og féll af húsinu í gær. Menningarmálaráðherra Dana, Jakob Engel-Schmidt, sagði í gær brunann hörmung fyrir danska menningarsögu. Í umfjöllun um brunann á vef DR segir að slökkvilið vonist til þess að geta slökkt í síðustu glæðunum á morgun og að vel sé gætt að því að vernda þar sem eftir er af húsinu. Rætt er við Tim Ole Simonsen, yfirmann neyðarviðbragðsaðila í Kaupmannahöfn, á vef Dr sem segir að eldurinn hafi breiðst út á „sprengihraða“ í gær. „Eldurinn breiddist út á afar miklum hraða og stækkaði hratt og hafði sprengikraft, sem því miður komst í spíruna og þurftum við í kjölfarið að hörfa frá af öryggisástæðum og bíða eftir því að hann myndi falla niður. Eftir það gátum við haldið áfram,“ er haft eftir Simonsen sem var einn af þeim fyrstu á vettvang í gær. Hann segir að fljótlega eftir að hann mætti gat hann staðfest að eldurinn hafi að mestu verið í þaki byggingarinnar og þá hafi viðbragðsaðilar strax hafist handa við að tryggja þann hluta sem ekki tengdist þakinu. Enn liggur ekki fyrir hvort að húsið verði endurbyggt en það er undir danska viðskiptaráðinu komin, Dansk Erhverv, sem er eigandi byggingarinnar. Byggingin verður 400 ára á næsta ári og var verið að laga hana þegar kviknaði í. Vísir/EPA Danmörk Stórbruni í Børsen Mest lesið „Þeir liggja hérna eins og hráviði út um allt“ Innlent Náðist á upptöku þegar skipulagðir þjófar tóku sjóðsvél Innlent Tveir handteknir vegna líkamsárásar Innlent „Þetta er orðið pínu þreytt, tveir bílar á sex dögum“ Innlent Unglingur stakk óboðinn gest í bakið til að verja fjölskyldumeðlim Innlent Við Íslendingar fórum bara á vertíð og drifum þetta af Innlent Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Lést í snjóflóði í Ölpunum Erlent Fleiri fréttir Hæstiréttur frestar brottvísunum Trumps Lést í snjóflóði í Ölpunum Mannskæðasta árásin á Húta hingað til Bað fyrir friðsamlegum kosningum meðan hann hékk á krossinum Uggandi vegna atlögu að háskólum: „Við ætlum ekki að lifa í ótta“ Diddy ekki veittur aukafrestur Bresk systkini létust í kláfferjuslysinu Hamas hafnar tillögu Ísrael um vopnahlé Skoða hugsanlega breytingu á samstarfssamningi Norðurlanda Bandaríkin íhugi að draga sig úr friðarviðræðum Rússlands og Úkraínu Úkraína og Bandaríkin nálgast samkomulag Tveir létust í skotárás á háskóla í Flórída Fjórir létust þegar kláfferja hrapaði á Ítalíu Sterkar vísbendingar um líf á annarri plánetu Hótar að banna erlenda nemendur í Harvard „Þetta er pólitískt val og meðvituð árás á getu fólks til að lifa af“ Verkföll á Tenerife: „Það eru mikil læti sem fylgja þessu“ Hótelstarfsmenn á Tenerife í verkfalli Segir gögn fyrir hendi sem sanni glæpsamlegt athæfi Dómur um trans konur: „Aðeins konur, engir karlar“ Furðureikistjarna sem gengur hornrétt um tvístirni Telja ákvæði jafnréttislaga ekki ná yfir trans konur Fyrrverandi forseti Perú í fimmtán ára fangelsi fyrir peningaþvætti Hafa nú lýst yfir stofnun ríkisstjórnar í landinu Flóttafólki fækkar verulega við landamæri Evrópu Hótar að svipta Harvardháskóla skattfrelsi Blaðamenn fangelsaðir vegna samstarfs við Navalní Líkir viðurkenningu á Palestínu við „sigur fyrir hryðjuverk“ Kyrrsetja þyrlufyrirtækið eftir banaslysið í New York Kveikti í ríkisstjórasetrinu og ætlaði að berja ríkisstjórann með hamri Sjá meira
Toppurinn á spírunni á Børsen í Kaupmannahöfn er nú fundinn og verður notaður í endurbyggingu spírunnar Brian Mikkelsen forstjóri danska viðskiptaráðsins, Dansk Erhverv, sem er eigandi byggingarinnar, segir það mikið gleðiefni. Toppurinn samanstóð af fjórum snúnum drekaskottum. „Þetta gefur okkur smá von,“ segir Mikkelsen í viðtali við danska miðilinn DR. Spíran féll af turni byggingarinnar í bruna í gær. Skjáskot úr viðtali á vef DR þar sem Mikkelsen heldur á toppi spírunnar.Skjáskot/DR.dk Enn eru viðbragðsaðilar á vettvangi við störf og vinna að því að slökkva í síðustu glæðunum. Líklegt er að það takist ekki fyrr en á morgun. Ekki er talið öruggt að fara inn í þann hluta hússins sem er brunninn og er því ólíklegt að rannsakendur geti komist að uppruna brunans í dag. Það verður fyrsta verk lögreglu þegar hún fær aðgang að húsinu. Svæðið í kringum bygginguna er lokað og verður það áfram þar til á morgun samkvæmt tilkynningu lögreglunnar. Götulokunin tekur til dæmis til Vindebrogade, Børsgade og Slotsholmsgade Mikill fjöldi fylgist með aðgerðum viðbragðsaðila í Kaupmannahöfn. Vísir/EPA „Vanir rannsakendur geta fundið vísbendingar sem geta leitt þá að upptökum jafnvel þó að byggingin sé brunninn til kaldra kola,“ segir Ib Bertelssen sem starfar fyrir Öryggis- og brunastofnun Danmerkur, Dansk Brand- og Sikringsteknisk Institut. Hann segir erfitt verk fram undan fyrir rannsakendur og að gæta þurfi vel að öryggi þeirra sem muni koma að rannsókninni. Rannsókn lögreglu hafin Rannsókn lögreglu er þó hafin og er hún nú að taka viðtöl við vitni og starfsmenn byggingarinnar. Í tilkynningu frá lögreglunni í morgun kom fram að rannsókn málsins muni að öllum líkindum taka marga mánuði. „Ég held að það sé óhætt að segja að það sé nokkuð þungt hljóð í borgarbúum. Þetta er á allra vörum vissulega og mörgum mikið niðri fyrir eftir þennan bruna,“ segir Elín Margrét Böðvarsdóttir býr og starfar í Kaupmannahöfn. Byggingin hafi mikla og djúpa merkingu hjá mörgum Dönum. Meiri en hún hafði áður gert sér grein fyrir. „Það eru margir í sjokki og enn að ná sér.“ De nuværende afspærringer omkring Børsen forventes opretholdt indtil i morgen tidlig. Har man et køretøj inden for afspærringen, som man har behov for at få ud, skal man henvende sig ved vores kommandostation, som er ved Rytterstatuen på Christiansborg Slotsplads #politidk pic.twitter.com/jLyXdXpALo— Københavns Politi (@KobenhavnPoliti) April 17, 2024 Almenningur hefur verið beðinn að halda sig frá svæðinu til að viðhalda öryggi og hefur Elín því ekki komið á svæðið en segir að hún hafi séð loga í gær og fundið fyrir sterkri brunalykt í miðbæ Kaupmannahafnar. „Þetta er bygging sem er mikill svipur að og mikill missir af henni.“ Hún á von á því að byggingin verði endurbyggð og telur að það sé mikill vilji fyrir því í dönsku samfélagi. Það muni kosta og taka tíma en að ríki og einkaframtak muni saman koma að endurbyggingunni. Um 400 ára gamalt Eldurinn kviknaði snemma í gær og er hálft húsið líklega ónýtt. Greint var frá því í gær að tekist hefði að bjarga miklu magni verðmæta sem geymd voru í byggingunni. Byggingin hýsti dönsku kauphöllina til ársins 1974, en endurbætur á byggingunni hafa staðið yfir síðustu ár og átti að frumsýna breytingarnar á næsta ári á 400 ára afmæli hússins. Ekki er talið að neinn hafi slasast vegna brunans. Húsið var byggt árið 1620 og stendur við hlið danska þinghússins. Spíra á toppi hússins brann og féll af húsinu í gær. Menningarmálaráðherra Dana, Jakob Engel-Schmidt, sagði í gær brunann hörmung fyrir danska menningarsögu. Í umfjöllun um brunann á vef DR segir að slökkvilið vonist til þess að geta slökkt í síðustu glæðunum á morgun og að vel sé gætt að því að vernda þar sem eftir er af húsinu. Rætt er við Tim Ole Simonsen, yfirmann neyðarviðbragðsaðila í Kaupmannahöfn, á vef Dr sem segir að eldurinn hafi breiðst út á „sprengihraða“ í gær. „Eldurinn breiddist út á afar miklum hraða og stækkaði hratt og hafði sprengikraft, sem því miður komst í spíruna og þurftum við í kjölfarið að hörfa frá af öryggisástæðum og bíða eftir því að hann myndi falla niður. Eftir það gátum við haldið áfram,“ er haft eftir Simonsen sem var einn af þeim fyrstu á vettvang í gær. Hann segir að fljótlega eftir að hann mætti gat hann staðfest að eldurinn hafi að mestu verið í þaki byggingarinnar og þá hafi viðbragðsaðilar strax hafist handa við að tryggja þann hluta sem ekki tengdist þakinu. Enn liggur ekki fyrir hvort að húsið verði endurbyggt en það er undir danska viðskiptaráðinu komin, Dansk Erhverv, sem er eigandi byggingarinnar. Byggingin verður 400 ára á næsta ári og var verið að laga hana þegar kviknaði í. Vísir/EPA
Danmörk Stórbruni í Børsen Mest lesið „Þeir liggja hérna eins og hráviði út um allt“ Innlent Náðist á upptöku þegar skipulagðir þjófar tóku sjóðsvél Innlent Tveir handteknir vegna líkamsárásar Innlent „Þetta er orðið pínu þreytt, tveir bílar á sex dögum“ Innlent Unglingur stakk óboðinn gest í bakið til að verja fjölskyldumeðlim Innlent Við Íslendingar fórum bara á vertíð og drifum þetta af Innlent Mannskæðasta árásin á Húta hingað til Erlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent Lést í snjóflóði í Ölpunum Erlent Fleiri fréttir Hæstiréttur frestar brottvísunum Trumps Lést í snjóflóði í Ölpunum Mannskæðasta árásin á Húta hingað til Bað fyrir friðsamlegum kosningum meðan hann hékk á krossinum Uggandi vegna atlögu að háskólum: „Við ætlum ekki að lifa í ótta“ Diddy ekki veittur aukafrestur Bresk systkini létust í kláfferjuslysinu Hamas hafnar tillögu Ísrael um vopnahlé Skoða hugsanlega breytingu á samstarfssamningi Norðurlanda Bandaríkin íhugi að draga sig úr friðarviðræðum Rússlands og Úkraínu Úkraína og Bandaríkin nálgast samkomulag Tveir létust í skotárás á háskóla í Flórída Fjórir létust þegar kláfferja hrapaði á Ítalíu Sterkar vísbendingar um líf á annarri plánetu Hótar að banna erlenda nemendur í Harvard „Þetta er pólitískt val og meðvituð árás á getu fólks til að lifa af“ Verkföll á Tenerife: „Það eru mikil læti sem fylgja þessu“ Hótelstarfsmenn á Tenerife í verkfalli Segir gögn fyrir hendi sem sanni glæpsamlegt athæfi Dómur um trans konur: „Aðeins konur, engir karlar“ Furðureikistjarna sem gengur hornrétt um tvístirni Telja ákvæði jafnréttislaga ekki ná yfir trans konur Fyrrverandi forseti Perú í fimmtán ára fangelsi fyrir peningaþvætti Hafa nú lýst yfir stofnun ríkisstjórnar í landinu Flóttafólki fækkar verulega við landamæri Evrópu Hótar að svipta Harvardháskóla skattfrelsi Blaðamenn fangelsaðir vegna samstarfs við Navalní Líkir viðurkenningu á Palestínu við „sigur fyrir hryðjuverk“ Kyrrsetja þyrlufyrirtækið eftir banaslysið í New York Kveikti í ríkisstjórasetrinu og ætlaði að berja ríkisstjórann með hamri Sjá meira