Íslenski boltinn

Valur og FH mætast í bikarnum en meistararnir fá heim­sókn úr Garði

Sindri Sverrisson skrifar
Mjólkin flæddi þegar Víkingar urðu Mjólkurbikarmeistarar í fyrra.
Mjólkin flæddi þegar Víkingar urðu Mjólkurbikarmeistarar í fyrra. vísir/Hulda Margrét

Dregið var í 32-liða úrslit Mjólkurbikars karla í fótbolta í höfuðstöðvum KSÍ í dag. Bikarmeistarar Víkings mæta 3. deildarliði Víðis.

Stórleikur umferðarinnar er á milli Vals og FH á Hlíðarenda. Það er raunar eini efstudeildarslagurinn í umferðinni.

Bikarævintýri 5. deildarliðs Hafna, lægst skrifaða liðsins sem eftir er í keppninni, gæti mögulega haldið áfram en liðið dróst gegn 3. deildarliði ÍH. Liðin tvö sem eftir eru úr 4. deild fengu bæði leik við lið úr efstu deild, en Tindastóll sækir ÍA heim og KÁ fær KR-inga í heimsókn í Hafnarfjörðinn.

32-liða úrslit Mjólkurbikars karla:

Haukar - Vestri

Árbær - Fram

KÁ - KR

ÍBV - Grindavík

Grótta - Þór

ÍH - Hafnir

Valur - FH

Afturelding - Dalvík/Reynir

ÍA - Tindastóll

Þróttur R. - HK

Keflavík - Breiðablik

Höttur/Huginn - Fylkir

Augnablik - Stjarnan

Fjölnir - Selfoss

Víkingur R. - Víðir

KA - ÍR

Þetta er 3. umferð keppninnar en jafnframt sú fyrsta þar sem að liðin tólf sem spila í Bestu deildinni eru með.

Leikirnir í 32-liða úrslitum fara fram dagana 24. og 25. apríl.

Mjólkurbikar karla

Mest lesið


Fleiri fréttir

Sjá meira


×

Mest lesið