Tókst loks eftir fimm ár að bæta eigið met

„Loksins!“ skrifaði Anton á Instagram-síðu sína eftir að hafa beðið í fimm ár eftir nýju meti í greininni, í 50 metra laug.

Anton synti á 1:00,21 mínútu og bætti met sitt frá því í Suður-Kóreu 2019 um 11/100 úr sekúndu. Hann stefnir svo á gott 200 metra bringusund á morgun, þegar Íslandsmeistaramótinu lýkur í Laugardalslaug.

Anton er eini Íslendingurinn sem tryggt hefur sér sæti á Ólympíuleikunum í París, nú þegar rúmir þrír mánuðir eru í leikanna, og verður sjötti Íslendingurinn í sögunni til að keppa á fernum Ólympíuleikum.

Unglingamet féllu

Fleira var um afrek í Laugardalslauginni í gær en Birnir Freyr Hálfdánarson úr SH sló eigið unglingamet og náði lágmarki fyrir EM unglinga sem fram fer í sumar, þegar hann vann 100 metra flugsund á 55,22 sekúndum. Gamla metið var 55,38 sekúndur.

Kvenna sveit Breiðabliks setti nýtt ung­linga­met í 4x200 metra skriðsundi þegar hún sigraði á 8:35,46. Þær bættu tveggja ára met SH um heil­ar 16 sek­únd­ur. Sveitina skipuðu þær Nadja Djurovic, Ásdís Steindórsdóttir, Sólveig Freyja Hákonardóttir, Freyja Birkisdóttir.

Þau sem náðu lágmörkum í dag á Evrópumeistaramót unglinga sem fram fer í sumar.

· Guðmund­ur Leó Rafns­son úr ÍRB í 200 metra baksundi á 2:04,10 mín­út­um.

· Vala Dís Cicero úr SH 400m skriðsund 4:24.28 og 50m skriðsundi 26,65

·Birn­ir Freyr Hálf­dán­ar­son úr SH 100m flugsund 55,22

Þau sem náðu inn á Norðurlandameistaramót Æskunnar í dag:

·Magnús Víðir Jónsson úr SH í 400m skriðsundi 4:10,46

·Hólmar Grétarsson úr SH í 400m skriðsundi 4:12,85

·Sólveig Freyja Hákonardóttir Breiðablik 4:31,36

·Ásdís Steindórsdóttir Breiðablik 4:30,74

Íslandsmeistarar dagsins:

Vala Dís Cicero, SH sigraði í 400 metra skriðsundi kvenna

Veig­ar Hrafn Sigþórs­son,SH sigraði í 400 metra skriðsundi karla

Ylfa Lind Krist­manns­dótt­ir, Ármanni sigraði í 50 metra baksundi kvenna

Birnir Freyr Hálfdánarson, SH sigraði í 100m flugsundi

Na­dja Djurovic, Breiðabliki sigraði í 200 metra flugsundi kvenna

Guðmundur Leó Rafnsson, ÍRB sigraði í 200m baksundi karla

Eva Mar­grét Fals­dótt­ir, ÍRB sigraði í 200 metra bring­u­sundi kvenna

Anton Sveinn McKee SH 100m bringusundi

Snæfríður Sól Jórunnardóttir sigraði í 50m skriðsundi kvenna

Einar Margeir Ágústsson sigraði í 50m skriðsundi karla

Kvenna Sveit Breiðabliks sigraði í 4x200m skriðsundi kvenna

Karla Sveit SH 1 sigraði í 4x 200m skriðsundi karla.