Norð­menn fá úr­slita­leik HM og Dagur vinnur ekki gullið á heima­velli

Undanúrslitaleikir á næsta heimsmeistaramóti í handbolta karla verða nefnilega spilaðir í sitthvoru landinu og í meira en sextán hundruð kílómetra fjarlægð frá hvorum öðrum.

Norska handboltasambandið sagði frá því í dag að úrslitaleikurinn á HM 2025 fari fram í Osló, nánar til getið í Telenor Arena.

HM fer fram í þremur löndun, Noregi, Danmörku og Króatíu.

Króatíska landsliðið spilar á heimavelli sínum fram í undanúrslit. Þar fara fram tveir riðlar, einn milliriðil, tveir leikir í átta liða úrslitum og annar undanúrslitaleikurinn.

Í Noregi verða spilaðir tveir riðlar, einn milliriðill, tveir leikir í átta úrslitum, undanúrslitaleikur og loks úrslitaleikurinn.

Opnunarleikurinn fer fram í Herning í Danmörku 14. janúar 2025. Danir hýsa tvo riðla og einn milliriðil en þeir verða allir spilaðir í Herning.

Það kemur í ljós í maí hvort íslenska landsliðið komist á HM en liðið mætir Eistland í tveimur umspilsleikjum.