Segist ekki verða pólitískur forseti Hallgerður Kolbrún E. Jónsdóttir skrifar 5. apríl 2024 15:25 Katrín tilkynnti um forsetaframboðið á Instagram í dag. Vísir/Vilhelm Katrín Jakobsdóttir forsetaframbjóðandi segist ekki munu verða pólitískur forseti. Hún segi nú skilið við stjórnmálin eftir tveggja áratuga starf. „Ég ígrundaði þetta mjög mikið um páskana og tók ákvörðun bara í þessari viku að fara út í þetta,“ segir Katrín Jakobsdóttir forsætisráðherra um ákvörðun sína að gefa kost á sér í kosningum til embættis forseta. Katrín tilkynnti framboðið í myndbandsávarpi sem hún birti á Instagram eftir hádegi í dag. Framboð hennar hefur legið í loftinu um nokkurt skeið og ljóst var að einhver fótur væri fyrir þeim sögusögnum í vikunni þegar Katrín sagðist íhuga þetta alvarlega. Hennar tími í stjórnmálum búinn Katrín segir í viðtali sem hún veitti fréttastofu klukkan 14 að ýmsar ástæður séu fyrir þessari ákvörðun hennar. Hún hafi verið lengi í stjórnmálum og hafi verið búin að taka ákvörðun um að gefa ekki kost á sér í næstu Alþingiskosningum. „Ég ætlaði hins vegar að klára þetta kjörtímabil að sjálfsögðu en eftir því sem leið á árið þá voru æ fleiri sem höfðu samband við mig og ég fór að hugsa þetta æ meir. Ég held að reynsla mín sé eitthvað sem geti skipt máli fyrir þetta embætti,“ segir Katrín. Er það upplifun þín af stjórnarsamstarfinu sem hefur áhrif á þá ákvörðun eða bara tekin heilt yfir? „Við eigum öll okkar tíma í stjórnmálum og ég fann fyrir að sá tími var kominn hjá mér.“ Veit ekki hver verður næsti forsætisráðherra Hún hafi rætt við Bjarna Benediktsson, utanríkisráðherra og formann Sjálfstæðisflokksins, og Sigurð Inga Jóhannsson, innviðaráðherra og formann Framsóknarflokksins, um þessa ígrundun sína fyrir páska. Strax eftir hátíðina hafi hún svo greint þeim frá í hvað stefndi. Hún segist ekki vita hver næstu skref ríkisstjórnarinnar séu. „Nú eru þau, sem áfram sitja, með boltann. Það er meirihluti þriggja flokka á Alþingi, það er stjórnarsáttmáli í gildi. Ég vænti þess að þau noti tímann núna til að fara yfir þá stöðu og finna góða lausn á því.“ Er búið að ákveða hver verður næsti forsætisráðherra? „Nei og ég hef ekki komið að neinum samtölum um það,“ segir Katrín. Segir af sér þingmennsku á mánudag Hún segir mikilvægt að forseti landsins gæti hagsmuna þjóðarinnar á alþjóðavettvangi, tali fyrir grunngildum íslensks samfélags, sem hún segir lýðræði, mannréttindi og réttarríki. Forsetinn eigi að tala fyrir undirstöðunum: Menntun, menningu og íslenskri tungu. Þá eigi hann að tala gegn skautun, sem sjáist í auknum mæli úti um allan heim. Katrín mun á sunnudag ganga á fund Guðna Th. Jóhannessonar forseta lýðveldisins og biðjast lausnar úr embætti forsætisráðherra. „Ég mun á mánudaginn senda forseta þingsins bréf og segja af mér þingmennsku og í dag mun ég hitta stjórn Vinstri grænna og segja af mér formennsku í flokknum.“ Forseti megi ekki óttast að vera umdeildur Innt eftir því hvert hlutverk forseta sé að hennar mati segir hún hann þurfa að geta tekið erfiðar ákvarðanir. „Hann þarf að vera til staðar þegar eru erfiðir tímar, geta talað til þjóðarinnar allrar en um leið að geta tekið erfiðar ákvarðanir og ekki óttast að verða umdeildur.“ Þá sé það alltaf matsatriði hvenær forseti beiti synjunarvaldi. „Það geta verið stór mál sem koma upp, það getur verið ákall frá þjóðinni en það getur líka verið stórmál sem ganga að einhverju leyti gegn þessum grundvallargildum sem ég nefndi áðan: Lýðræðinu, mannréttindum, réttarríkinu.“ Eiginmaðurinn aðeins meira áberandi Verðurðu pólitískur forseti? „Nei, nú segi ég skilið við stjórnmálin. Það er auðvitað stór ákvörðun og ég vænti þess auðvitað að fólk hafi alls konar skoðanir á því. Ég átta mig auðvitað á því að ég er ekki óumdeild manneskja eftir alla þessa löngu veru. En það er þjóðin, það er fólkið sem velur forsetann og það tekur rétta ákvörðun.“ Hún segir stærsta samtalið sem hver og einn þurfi að eiga vera við sína nánustu. Bæði maðurinn hennar og synirnir þrír styðji hana eindregið í þessu. Fjölskylda Katrínar hefur ekki verið áberandi í fjölmiðlum, Katrín segist vænta þess að það breytist verði hún forseti. „Ég vænti þess að maðurinn minn muni sinna þessu að einhverju leyti með mér en ég geri líka ráð fyrir því að börnin mín fái að vera áfram börn og sjálfstæðir einstaklingar.“ Fylgst var með viðburðaríkum degi í vaktinni á Vísi sem sjá má að neðan. Endurhlaðið síðunni ef vaktin birtist ekki strax.
„Ég ígrundaði þetta mjög mikið um páskana og tók ákvörðun bara í þessari viku að fara út í þetta,“ segir Katrín Jakobsdóttir forsætisráðherra um ákvörðun sína að gefa kost á sér í kosningum til embættis forseta. Katrín tilkynnti framboðið í myndbandsávarpi sem hún birti á Instagram eftir hádegi í dag. Framboð hennar hefur legið í loftinu um nokkurt skeið og ljóst var að einhver fótur væri fyrir þeim sögusögnum í vikunni þegar Katrín sagðist íhuga þetta alvarlega. Hennar tími í stjórnmálum búinn Katrín segir í viðtali sem hún veitti fréttastofu klukkan 14 að ýmsar ástæður séu fyrir þessari ákvörðun hennar. Hún hafi verið lengi í stjórnmálum og hafi verið búin að taka ákvörðun um að gefa ekki kost á sér í næstu Alþingiskosningum. „Ég ætlaði hins vegar að klára þetta kjörtímabil að sjálfsögðu en eftir því sem leið á árið þá voru æ fleiri sem höfðu samband við mig og ég fór að hugsa þetta æ meir. Ég held að reynsla mín sé eitthvað sem geti skipt máli fyrir þetta embætti,“ segir Katrín. Er það upplifun þín af stjórnarsamstarfinu sem hefur áhrif á þá ákvörðun eða bara tekin heilt yfir? „Við eigum öll okkar tíma í stjórnmálum og ég fann fyrir að sá tími var kominn hjá mér.“ Veit ekki hver verður næsti forsætisráðherra Hún hafi rætt við Bjarna Benediktsson, utanríkisráðherra og formann Sjálfstæðisflokksins, og Sigurð Inga Jóhannsson, innviðaráðherra og formann Framsóknarflokksins, um þessa ígrundun sína fyrir páska. Strax eftir hátíðina hafi hún svo greint þeim frá í hvað stefndi. Hún segist ekki vita hver næstu skref ríkisstjórnarinnar séu. „Nú eru þau, sem áfram sitja, með boltann. Það er meirihluti þriggja flokka á Alþingi, það er stjórnarsáttmáli í gildi. Ég vænti þess að þau noti tímann núna til að fara yfir þá stöðu og finna góða lausn á því.“ Er búið að ákveða hver verður næsti forsætisráðherra? „Nei og ég hef ekki komið að neinum samtölum um það,“ segir Katrín. Segir af sér þingmennsku á mánudag Hún segir mikilvægt að forseti landsins gæti hagsmuna þjóðarinnar á alþjóðavettvangi, tali fyrir grunngildum íslensks samfélags, sem hún segir lýðræði, mannréttindi og réttarríki. Forsetinn eigi að tala fyrir undirstöðunum: Menntun, menningu og íslenskri tungu. Þá eigi hann að tala gegn skautun, sem sjáist í auknum mæli úti um allan heim. Katrín mun á sunnudag ganga á fund Guðna Th. Jóhannessonar forseta lýðveldisins og biðjast lausnar úr embætti forsætisráðherra. „Ég mun á mánudaginn senda forseta þingsins bréf og segja af mér þingmennsku og í dag mun ég hitta stjórn Vinstri grænna og segja af mér formennsku í flokknum.“ Forseti megi ekki óttast að vera umdeildur Innt eftir því hvert hlutverk forseta sé að hennar mati segir hún hann þurfa að geta tekið erfiðar ákvarðanir. „Hann þarf að vera til staðar þegar eru erfiðir tímar, geta talað til þjóðarinnar allrar en um leið að geta tekið erfiðar ákvarðanir og ekki óttast að verða umdeildur.“ Þá sé það alltaf matsatriði hvenær forseti beiti synjunarvaldi. „Það geta verið stór mál sem koma upp, það getur verið ákall frá þjóðinni en það getur líka verið stórmál sem ganga að einhverju leyti gegn þessum grundvallargildum sem ég nefndi áðan: Lýðræðinu, mannréttindum, réttarríkinu.“ Eiginmaðurinn aðeins meira áberandi Verðurðu pólitískur forseti? „Nei, nú segi ég skilið við stjórnmálin. Það er auðvitað stór ákvörðun og ég vænti þess auðvitað að fólk hafi alls konar skoðanir á því. Ég átta mig auðvitað á því að ég er ekki óumdeild manneskja eftir alla þessa löngu veru. En það er þjóðin, það er fólkið sem velur forsetann og það tekur rétta ákvörðun.“ Hún segir stærsta samtalið sem hver og einn þurfi að eiga vera við sína nánustu. Bæði maðurinn hennar og synirnir þrír styðji hana eindregið í þessu. Fjölskylda Katrínar hefur ekki verið áberandi í fjölmiðlum, Katrín segist vænta þess að það breytist verði hún forseti. „Ég vænti þess að maðurinn minn muni sinna þessu að einhverju leyti með mér en ég geri líka ráð fyrir því að börnin mín fái að vera áfram börn og sjálfstæðir einstaklingar.“ Fylgst var með viðburðaríkum degi í vaktinni á Vísi sem sjá má að neðan. Endurhlaðið síðunni ef vaktin birtist ekki strax.
Ríkisstjórn Katrínar Jakobsdóttur Forsetakosningar 2024 Forseti Íslands Mest lesið Föst á Spáni næstu mánuði vegna meðgöngukvilla Innlent Haft höggbor beint fyrir utan í hálft ár og kominn með nóg Innlent Refsing fyrir að reyna að myrða lækni þyngd Innlent Hátt spennustig um borð eftir að ísraelski sjóherinn hóf handtökur Innlent Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent Miklar breytingar á gjaldskrá leikskóla borgarinnar Innlent Tveggja vikna tvíburasystrum vísað úr landi Innlent Ragnhildur tekur við Kveik Innlent Thunberg meðal 500 handtekinna aðgerðasinna Erlent Tveir látnir og þrír alvarlega særðir eftir árás í Manchester Erlent Fleiri fréttir Nýjar tillögur falli á herðar vinnandi foreldra Eðlilegt að Ísland skoði að taka þátt Til umræðu að setja upp lokunarpósta við Fossvogsbrú Ragnhildur tekur við Kveik Blæs á sögusagnir um úthugsaða fléttu og ótti við að enda rúmliggjandi Vilja að fallið verði frá hækkun áfengisskatta „Þetta er auðvitað allt of lítið úrtak til að vera marktækt“ Refsing fyrir að reyna að myrða lækni þyngd Miklar breytingar á gjaldskrá leikskóla borgarinnar Nýr stjóri Icelandair vildi bara Airbus þegar hann stýrði Play Föst á Spáni næstu mánuði vegna meðgöngukvilla Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Hátt spennustig um borð eftir að ísraelski sjóherinn hóf handtökur Bein útsending: Opnunarmálstofa Menntakviku - Kennaramenntun í deiglunni Hraðamyndavélar settar upp við Þingvelli Hjóla í forseta ASÍ og segja hann afvegaleiða umræðuna Býður sig fram til áframhaldandi formennsku Þúsundir barna bíða og listarnir lengjast POTS-samtök fá lögfræðing í málið: „Margir eru rúmliggjandi í dag“ Sveitarstjóri Mýrdalshrepps vill verða ritari Frelsisflotinn stöðvaður og árás á bænahús gyðinga í Manchester Styttist í lok rannsóknar Rúmlega þrjátíu skjálftar á Vesturlandi „Brotamenn eru nú ekki oft miklir borgunarmenn“ Heimila gjaldtöku vegna fjarheilbrigðisþjónustu og útkalls án flutnings Haft höggbor beint fyrir utan í hálft ár og kominn með nóg Stímir óhrædd í gin ísraelska sjóhersins Kom ráðherra á óvart að viðræðum hefði verið slitið Söguðu gat á flugsafn til að stinga inn Boeing 757 Tveggja vikna tvíburasystrum vísað úr landi Sjá meira
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu
Óánægja með Kópavogsmódelið: Foreldrar upplifa samviskubit, aukið álag og stöðuga tímapressu Innlent