Frum­sýning á nýjum Peu­geot E-2008 raf­bíl

PEUGEOT 2008 hefur verið söluhæsti bíllinn í sínum stærðarflokki í Evrópu í meira en þrjú ár, hefur nú tekið nýtt skref upp á við hvað varðar hönnun, tækni og rafvæðingu.

Nýr Peugeot E-2008 býður upp á:

• Ómótstæðilegt aðdráttarafl með sérlega glæsilegu yfirbragði, sterklegum svip og karakter.
• Sterkari hughrif við aksturinn með óviðjafnanlegri i-Cockpit® 3D innréttingu með 10“ margmiðlunarskjá sem veitir framúrskarandi akstursánægju.
• Hágæði með enn hagkvæmari rafmótor og aukinni drægni, allt að 406 km skv. WLTP mælingu.

Næstum 700.000 eintök hafa verið framleidd af Peugeot 2008 síðan hann kom á markað í lok árs 2019 og hefur bíllinn verið í toppsætum yfir söluhæstu bíla Evrópu í sínum flokki öll árin. Árangurinn má ekki síst þakka rafbílaútfærslunni sem var brautryðjandi í rafvæðingu í sínum flokki og hefur selst í meira en 75.000 eintökum. Rafbíllinn Peugeot E-2008 hefur einnig notið mikilla vinsælda á Íslandi síðustu ár.

Stíll hefur verið kjarninn í velgengni bílsins frá því hann kom á markað. Áskorunin fyrir PEUGEOT hönnunarteymið að þessu sinni var því að gera karakter bílsins enn meira afgerandi í samræmi við vinsældir hans og stöðu á markaði.

Framsækið og nútímalegt útlit Peugeot E-2008

Framsækið og nútímalegt útlit nýja Peugeot E-2008 er undirstrikað með LED fram- og afturljósum sem tákna klær ljónsins, nýju grilli sem setur sterkan svip á bílinn ásamt nýjum álfelgum og nýju glæsilegu myndmerki Peugeot.

• Ný PEUGEOT skrautlýsing að framan og nýtt myndmerki

Led ljósin með strikunum þremur að framan og aftan sem tákna klær ljónsins og sérhannað grillið gefa bifreiðinni samtímis sterklegan svip, karakter og sérlega glæsilegt yfirbragð.

• Endurhönnuð afturljós

Táknrænu klærnar þrjár í afturljósunum sem einkenna bakhluta Peugeot E-2008 hafa verið endurhannaðar og eru nú þrjár láréttar rendur sem gera ásýnd bílsins breiðari að aftan.

• Nýtt útlit á framenda

Nýr Peugeot E-2008 er með nýjum framenda sem skartar nýja glæsilega Peugeot myndmerkinu og nýtt mynstur á grilli sem aðgreinir útfærslur og gefur bílnum sérlega glæsilegt yfirbragð.

• Nýstárleg og úthugsuð hönnun á felgum

Nýjar felgur Peugeot E-2008 skáka hinu hefðbundna og eru samtímis hannaðar til að bæta drægni og orkunotkun bílsins. Glæsilegar áberandi álfelgurnar eru með fjögurra arma felgumiðju með nýja PEUGEOT-merkinu í miðjunni.

Hughrif: Einstök upplifun í innra rými Peugeot E-2008. Næstu kynslóðar PEUGEOT i-Cockpit® innrétting býður upp á einstaka akstursupplifun.

• Ný hönnun á stafrænu mælaborði

Nýi 10” stafræni margmiðlunarskjárinn í Peugeot E-2008 er stillanlegur og þægilega staðsettur í augnhæð ökumanns.

• Netta, þægilega stýrið

Netta og þægilega stýrið sem er hluti af einstakri akstursánægju Peugeot bíla helst óbreytt að lögun og hýsir helstu stjórntæki fyrir margmiðlunarkerfið, t.d. hljóð og hljóðstyrk, síma og raddstýringar og skapar þannig enn betra notendaviðmót.

• Fágað innra rými

Mjúk örtrefja áklæðin eru ekki bara falleg fyrir augað. Gæðin endurspeglast í efnisvali og vönduðum saumunum og gefa skemmtilegan svip.

• Spólvörn

Hægt er að fá spólvörn í GT útgáfunni með mismunandi akstursstillingum m.a. með sérstakri stillingu fyrir snjó og hentar því einstaklega vel við íslenskar aðstæður.

Hágæði: með enn betri nýtingu rafmótors og öflugum nettengingum

• Enn skilvirkari Peugeot E-2008 með allt að 406 km drægni

Enn öflugri 115 kW/156 hö rafmótor er í Peugeot E-2008 sem er sparneytnari en áður og enn stærri 54 kWh rafhlaða sem samanlagt gefur nú allt að 406 km drægni skv. WLTP mælingu.

• Snögg hleðsla

Tvær gerðir af innbyggðum hleðslustýringum eru fáanlegar í nýja PEUGEOT E-2008, sem henta fyrir alla notkun. 7,4 kW, einsfasa hleðslustýring er staðalbúnaður en einnig er hægt að fá þriggja fasa 11 kW hleðslustýringu sem aukabúnað. Áætlaður hleðslutími frá 20% til 80% er u.þ.b. 30 mínútur í DC hraðhleðslu (100 kW) og 4 klukkustundir og 40 mínútur í AC vegghleðslu miðað við 7,4 kW einsfasa hleðslustýringu og 54 kWh drifrafhlöðu

• 10“ margmiðlunarskjár og gott afþreyingarkerfi

Í Peugeot E-2008 er 10“ margmiðlunarskjár og Peugeot i-Connect afþreyingarkerfi. Auðvelt er að stilla og aðlaga kerfið sem er eins einfalt í notkun og viðmót snjallsíma. Þægilegar flýtileiðir í stýri og á píanótökkum undir skjánum auðvelda notkunina enn frekar. Snjallsímar geta tengst afþreyingarkerfi ökutækisins þráðlaust með Apple CarPlay og Android Auto.

• Fleiri USB tengi og sneggri farsímahleðsla

Þrjú USB tengi koma nú sem staðalbúnaður í Allure og GT útfærslunum. Tvö frammi í og eitt aftur í bílnum. Einnig er nú í boði 15W þráðlaus símahleðsla sem er þrefalt hraðari en áður.

• Háskerpu myndavélar fyrir bílastæðaaðstoð

Val um nýjar háskerpu myndavélar að framan ásamt blindpunktsaðvörun veita 360° yfirsýn af umhverfi bílsins og gera það auðvelt að leggja í stæði. Fáanlegt í GT útfærslu.

• Nýjasta tækni í ökumannsaðstoð

Peugeot E-2008 er fáanlegur með nýjustu kynslóð af aðstoðarkerfum sem auka öryggi og ánægju í akstri. Sem dæmi um fjölbreytta ökumannsaðstoð sem er fáanleg í Peugeot E-2008 má nefna: Fjarlægðarstillanlegur hraðastillir, nálægðarskynjarar að framan og aftan, blindpunktsaðvörun, LED aðalljós með sjálfvirkri hæðarstillingu, umferðaskiltalesari, veglínuskynjari með hjálparstýringu, snjallhemlun og áðurnefndar fram- og bakkmyndavélar.

• Stafrænar tengingar

MyPeugeot® snjallsímaforritið eykur þægindi Peugeot E-2008 og býður meðal annars upp á fjarstýrða forhitun og hleðslustýringu þar sem hægt er að tímastilla, kveikja og slökkva á hleðslu.

7 ára ábyrgð og 8 ára ábyrgð á drifrafhlöðu

Gæði Peugeot bíla eru staðfest með víðtækri 7 ára ábyrgð á bílnum og 8 ára ábyrgð á drifrafhlöðunni. Ábyrgðin er aðeins í boði á bílum keyptum af Brimborg og er háð því að bíllinn fylgi þjónustuferli framleiðanda.

Hægt að skoða bíla á lager í Vefsýningarsal Brimborgar

Í Vefsýningarsal Brimborgar er að finna Peugeot E-2008 rafbíla sem eru komnir til landsins og geta kaupendur skoðað glæsilega, nýja Peugeot E-2008 rafbílinn með enn meiri drægni. Þegar draumabíllinn er fundinn er send fyrirspurn beint úr Vefsýningarsalnum sem söluráðgjafi svarar um hæl. Viðskiptavinir geta auðveldlega breytt bílum í pöntun að sínum smekk með aðstoð söluráðgjafa Peugeot. Einnig stendur til boða að fá Peugeot E-2008 í langtímaleigu þar sem nánast allt er innifalið nema rafmagn og rúðuvökvi.

900.000 kr. rafbílastyrkur frá Orkusjóði

Hægt er að sækja um rafbílastyrk frá Orkusjóð við kaup á nýjum Peugeot E-2008 að upphæð 900.000 kr. Rafmagnsbílastyrkurinn er háður því að kaupverð rafbílsins án aukahluta sé ekki hærra en 10 milljónir króna með virðisaukaskatti og að rafbíllinn sé nýskráður eftir 1. janúar 2024 og gildir út árið. Hins vegar er rétt að benda á að stjórnvöld hafa sett þak á heildarupphæð sem varið verður til styrkja og því gætu þeir klárast fyrr.

Sérkjör í hraðhleðslu til viðskiptavina

Peugeot á Íslandi og Brimborg bjóða viðskiptavinum sínum sérlega hagstæð kjör á hleðslustöðvum og uppsetningu þeirra ásamt sérkjörum í hraðhleðsluneti Brimborgar Bílorku. Söluráðgjafar Peugeot veita allar upplýsingar um sérkjör til viðskiptavina.

Gæða vetrardekk frá Nokian fylgja öllum keyptum Peugeot E-2008 bílum á frumsýningunni.

Nánari upplýsingar

Nánari upplýsingar um nýjan Peugeot E-2008 rafbíl er að finna á vef Peugeot á Íslandi.