Flutti DVD-diska með barnaníðsefni til Ís­lands

Maðurinn var ákærður fyrir kynferðisbrot fyrir að vera með tvo DVD-diska á heimili sínu á Akureyri sem sýndu börn á kynferðislegan og klámfengin hátt. Fram kemur að maðurinn hefði keypt diskana í ferðalögum sínum erlendis fyrir nokkrum árum og flutt þá til Íslands.

Fram kemur að annar diskurinn hafi innihaldið efni sem var fjórar klukkustundir og 25 mínútur að lengd.

Maðurinn játaði sök, og þótti dómnum ekki ástæða til að draga játningu hans í efa. Hann krafðist lægstu refsingar sem lög leyfa.

Í dómnum kemur fram að við mat refsingar verði að líta til þess „hvort lífi barns hafi verið stofnað í hættu, hvort barn hafi verið beitt grófu ofbeldi, hvort barn hafi beðið líkams-eða heilsutjón eða hvort brot sé framið á kerfisbundinn eða skipulagðan hátt.“ Þá segir að með háttsemi sinni hafi maðurinn stuðlað að og hvatt til frekari brota af sama tagi gagnvart börnum.

Maðurinn á engan sakaferill að baki og því þótti dómnum rétt að skilorðsbinda refsingu hans, en að öðru leyti þykir hann eiga sér engar málsbætur. Líkt og áður segir hlaut hann tólf mánaða skilorðsbundin dóm, en þá er honum gert að greiða 436 þúsund krónur í sakarkostnað.