Nýtti Snapchat til að freista fermingarstúlkna og nauðga þeim Kolbeinn Tumi Daðason skrifar 8. febrúar 2024 06:01 Theódór Páll kom við í hraðbanka á Suðurlandsbraut til að taka út níutíu þúsund krónur til að geta greitt fjórtán ára stúlkunni þær 150 þúsund krónur sem hann lofaði henni fyrir samrarir. Theódór Páll Theódórsson, þrítugur matreiðslumaður, hefur verið dæmdur í sjö ára fangelsi fyrir kynferðisbrot gegn unglingsstelpum, vændiskaup og vörslu barnaníðsefnis. Hann þarf að greiða hvorri stúlkunni þrjár milljónir króna í miskabætur. DV greinir frá niðurstöðu dómsins sem féll þann 12. janúar síðastliðinn. Hann hefur ekki enn verið birtur á vefsíðu dómstólanna. Theódór Páll var ákærður fyrir brot á tveimur stúlkum við fermingaraldur. Stúlkurnar voru vinkonur og urðu samskiptin til á samfélagsmiðlinum Snapchat þar sem Theódór auglýsti áfengi til sölu. Skrifaði bílnúmerið niður Fram kemur í ákærunni á hendur Theódór að hann hafi mælt sér mót við stúlkurnar hvora fyrir sig á Snapchat. Hann hafi sótt þær á bíl en svo brotið á þeim kynferðislega, oftast nauðgað þeim. Annarri einu sinni og hinni þrisvar. Theódór greiddi stúlkunum fyrir, ýmist með áfengi eða peningum. Í eitt skipti greiddi hann 150 þúsund krónur fyrir. Önnur stúlkan skrifaði bílnúmer á bíl Theódórs niður í Notes í síma sínum. Þá fundust DNA sýni í aftursæti bíls Theodórs sem allt benti til að væru annars vegar úr honum og hins vegar annarri stúlkunni. Auk þessa var Theódór ákærður fyrir að kaupa vændi af fullorðnum konum. Þá fundust 763 ljósmyndir og 98 hreyfimyndir í fartölvu hans sem sýndu börn á kynferðislegan hátt. Tilkynning frá barnavernd kveikjan Lögregla komst á snoðir um Theódór Pál í júlí í fyrra þegar brot hans gagnvart stúlkunum ungu áttu sér stað. Laugardaginn 29. júlí í fyrra barst lögreglu tilkynning frá Barnavernd Reykjavíkur um að ungri stúlku hefði verið nauðgað í vikunni á undan. Lögregla ræddi við stúlkuna sem sagði frá samskiptum þeirra á Snapchat þar sem hann seldi áfengi. Hún hefði ætlað að greiða fyrir áfengi en hann boðið henni að fá áfengið gegn kynferðislegum greiðum auk þess að hún fengi peninga greidda. Hún hefði hitt hann í tvö skipti. Í fyrra skiptið hefðu þau farið í sleik og hún fengið vodkaflösku og tíu þúsund krónur fyrir. Í seinna skiptið hefði hún ætlað að eiga við hann munnmök fyrir sjötíu þúsund krónur. Hún hefði viljað hætta við eftir munnmökin hófust en Theódór viljað hafa samræði við hana um leggöng og boðið 150 þúsund króna greiðslu fyrir. Hún sagðist hafa frosið og hann að endingu fengið sáðlát. Báðir fundir þeirra hefðu verið í bíl hans en hún hefði skrifað niður skráningarnúmer bílsins í síma sinn. Augljóst að stúlkurnar hefðu hitt Theódór Stúlkan tjáði lögreglu að vinkona hennar hefði einnig hitt Theódór í kynferðislegum tilgangi og fengið greitt fyrir. Vinkonan sagði frá þremur fundum sínum og Theódórs. Í öll skiptin hefði hann haft samræði við hana um leggöng og greitt fimmtíu þúsund fyrir í hvert skipti. Í einum af gæsluvarðhaldsúrskurðum yfir Theódóri, þegar ákæra hafði verið gefin út í málinu, kom fram að lögregla sagði ljóst að stúlkurnar byggju yfir upplýsingum sem tækju af allan vafa um að þær hefðu hitt Theódór. Upptökur úr eftirlitsmyndavélum á Suðurlandsbraut staðfestu meðal annars frásögn annarrar stúlkunnar sem sagði Theódór hafa farið í hraðbanka til að taka út níutíu þúsund krónur því hann hefði aðeins verið með sextíu þúsund krónur á sér. Stúlkan þekktist í eftirlitsmyndavélinni. Þá gat hin stúlkan lýst heimili Theódór í smáatriðunum en hún sagði Theódór hafa farið með hana þangað í tvígang og haft við hana samræði. Eftirlitsmyndavélar í Reykjavík staðfestu bíl Theódórs á þeim stað sem stúlkan sagðist hafa verið á ferðinni með honum. Sæðisblettir í bílnum Auk þess fundust fimm sýni í bíl Theódórs sem sendi voru til rannsóknar. Rannsókn lögreglu leiddi í ljós að um var að ræða sæðisbletti á gólfi framan við aftursæti sem innihélt blöndu úr DNA-sniði sem var í meirihluta eins og DNA Theódórs og annarrar stúlkunnar. Theódór neitaði ítrekað sök við yfirheyrslur lögreglu á meðan rannsókn málsins stóð. Reyndi hann meðal annars að nota vændiskonu sem fjarvistarsönnun, þ.e. að hann hefði keypt af henni vændi á sama tíma og hann var sagður hafa brotið á annarri stúlkunni. Vændiskonan staðfesti að hafa selt Theódór kynlífsþjónustu en það hefði verið nokkrum dögum fyrr. Af þessari frásögn Theódórs má telja líklegt að hann hafi játað vændiskaupin fyrir dómi. Þá hélt Theódór því fram að einhver hefði hakkað sig inn á Snapchat aðgang hans. Varðandi barnaníðsefnið sem fannst á tölvu Theódórs sagðist hann ekki hafa sótt efnið heldur hefði það verið á tölvunni sem hann hefði keypt á Bland.is. Stúlkur í mjög viðkvæmri stöðu Lögregla benti á í kröfu sinni um gæsluvarðhald á að brot Theódórs væru sérstaklega gróf, ekki aðeins því þau snúa að grófri og ítrekaðri háttsemi í garð stúlknanna tveggja heldur beindust þau gegn börnum í mjög viðkvæmri stöðu. Stúlkurnar væru mjög ungar, fjórtán ára samkvæmt heimildum DV, og byrjaðar að neyta áfengis og annarra vímuefna. Þær hafi verið tilbúnar að selja líkama sinn til miklu eldri karlmanns til að fjármagna neyslu sína. Þótt tæplega fjórar vikur séu liðnar síðan dómur féll í málinu hefur dómurinn ekki verið birtur á vef dómstólanna. Karl Ingi Vilbergsson saksóknari staðfesti við DV að niðurstaðan í málinu hefði verið sjö ára fangelsisdómur. Þá þarf Theódór að greiða þeim þrjár milljónir króna í miskabætur, samanlagt sex milljónir. Veistu meira um málið? Vísir tekur við öllum ábendingum á netfangið ritstjorn@visir.is eða í tölvupósti á einstaka blaðamenn. Fullum trúnaði er heitið. Dómsmál Ofbeldi gegn börnum Kynferðisofbeldi Vændi Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Það er ódýrast og best og fljótlegast að kála þessum dýrum“ Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Hafa „góða hugmynd“ hvar og hvenær stúlkunni var ráðinn bani Innlent Frambjóðandi Trump lýsti sér sem „svörtum nasista“ á klámsíðu Erlent Fleiri fréttir Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Sjá meira
DV greinir frá niðurstöðu dómsins sem féll þann 12. janúar síðastliðinn. Hann hefur ekki enn verið birtur á vefsíðu dómstólanna. Theódór Páll var ákærður fyrir brot á tveimur stúlkum við fermingaraldur. Stúlkurnar voru vinkonur og urðu samskiptin til á samfélagsmiðlinum Snapchat þar sem Theódór auglýsti áfengi til sölu. Skrifaði bílnúmerið niður Fram kemur í ákærunni á hendur Theódór að hann hafi mælt sér mót við stúlkurnar hvora fyrir sig á Snapchat. Hann hafi sótt þær á bíl en svo brotið á þeim kynferðislega, oftast nauðgað þeim. Annarri einu sinni og hinni þrisvar. Theódór greiddi stúlkunum fyrir, ýmist með áfengi eða peningum. Í eitt skipti greiddi hann 150 þúsund krónur fyrir. Önnur stúlkan skrifaði bílnúmer á bíl Theódórs niður í Notes í síma sínum. Þá fundust DNA sýni í aftursæti bíls Theodórs sem allt benti til að væru annars vegar úr honum og hins vegar annarri stúlkunni. Auk þessa var Theódór ákærður fyrir að kaupa vændi af fullorðnum konum. Þá fundust 763 ljósmyndir og 98 hreyfimyndir í fartölvu hans sem sýndu börn á kynferðislegan hátt. Tilkynning frá barnavernd kveikjan Lögregla komst á snoðir um Theódór Pál í júlí í fyrra þegar brot hans gagnvart stúlkunum ungu áttu sér stað. Laugardaginn 29. júlí í fyrra barst lögreglu tilkynning frá Barnavernd Reykjavíkur um að ungri stúlku hefði verið nauðgað í vikunni á undan. Lögregla ræddi við stúlkuna sem sagði frá samskiptum þeirra á Snapchat þar sem hann seldi áfengi. Hún hefði ætlað að greiða fyrir áfengi en hann boðið henni að fá áfengið gegn kynferðislegum greiðum auk þess að hún fengi peninga greidda. Hún hefði hitt hann í tvö skipti. Í fyrra skiptið hefðu þau farið í sleik og hún fengið vodkaflösku og tíu þúsund krónur fyrir. Í seinna skiptið hefði hún ætlað að eiga við hann munnmök fyrir sjötíu þúsund krónur. Hún hefði viljað hætta við eftir munnmökin hófust en Theódór viljað hafa samræði við hana um leggöng og boðið 150 þúsund króna greiðslu fyrir. Hún sagðist hafa frosið og hann að endingu fengið sáðlát. Báðir fundir þeirra hefðu verið í bíl hans en hún hefði skrifað niður skráningarnúmer bílsins í síma sinn. Augljóst að stúlkurnar hefðu hitt Theódór Stúlkan tjáði lögreglu að vinkona hennar hefði einnig hitt Theódór í kynferðislegum tilgangi og fengið greitt fyrir. Vinkonan sagði frá þremur fundum sínum og Theódórs. Í öll skiptin hefði hann haft samræði við hana um leggöng og greitt fimmtíu þúsund fyrir í hvert skipti. Í einum af gæsluvarðhaldsúrskurðum yfir Theódóri, þegar ákæra hafði verið gefin út í málinu, kom fram að lögregla sagði ljóst að stúlkurnar byggju yfir upplýsingum sem tækju af allan vafa um að þær hefðu hitt Theódór. Upptökur úr eftirlitsmyndavélum á Suðurlandsbraut staðfestu meðal annars frásögn annarrar stúlkunnar sem sagði Theódór hafa farið í hraðbanka til að taka út níutíu þúsund krónur því hann hefði aðeins verið með sextíu þúsund krónur á sér. Stúlkan þekktist í eftirlitsmyndavélinni. Þá gat hin stúlkan lýst heimili Theódór í smáatriðunum en hún sagði Theódór hafa farið með hana þangað í tvígang og haft við hana samræði. Eftirlitsmyndavélar í Reykjavík staðfestu bíl Theódórs á þeim stað sem stúlkan sagðist hafa verið á ferðinni með honum. Sæðisblettir í bílnum Auk þess fundust fimm sýni í bíl Theódórs sem sendi voru til rannsóknar. Rannsókn lögreglu leiddi í ljós að um var að ræða sæðisbletti á gólfi framan við aftursæti sem innihélt blöndu úr DNA-sniði sem var í meirihluta eins og DNA Theódórs og annarrar stúlkunnar. Theódór neitaði ítrekað sök við yfirheyrslur lögreglu á meðan rannsókn málsins stóð. Reyndi hann meðal annars að nota vændiskonu sem fjarvistarsönnun, þ.e. að hann hefði keypt af henni vændi á sama tíma og hann var sagður hafa brotið á annarri stúlkunni. Vændiskonan staðfesti að hafa selt Theódór kynlífsþjónustu en það hefði verið nokkrum dögum fyrr. Af þessari frásögn Theódórs má telja líklegt að hann hafi játað vændiskaupin fyrir dómi. Þá hélt Theódór því fram að einhver hefði hakkað sig inn á Snapchat aðgang hans. Varðandi barnaníðsefnið sem fannst á tölvu Theódórs sagðist hann ekki hafa sótt efnið heldur hefði það verið á tölvunni sem hann hefði keypt á Bland.is. Stúlkur í mjög viðkvæmri stöðu Lögregla benti á í kröfu sinni um gæsluvarðhald á að brot Theódórs væru sérstaklega gróf, ekki aðeins því þau snúa að grófri og ítrekaðri háttsemi í garð stúlknanna tveggja heldur beindust þau gegn börnum í mjög viðkvæmri stöðu. Stúlkurnar væru mjög ungar, fjórtán ára samkvæmt heimildum DV, og byrjaðar að neyta áfengis og annarra vímuefna. Þær hafi verið tilbúnar að selja líkama sinn til miklu eldri karlmanns til að fjármagna neyslu sína. Þótt tæplega fjórar vikur séu liðnar síðan dómur féll í málinu hefur dómurinn ekki verið birtur á vef dómstólanna. Karl Ingi Vilbergsson saksóknari staðfesti við DV að niðurstaðan í málinu hefði verið sjö ára fangelsisdómur. Þá þarf Theódór að greiða þeim þrjár milljónir króna í miskabætur, samanlagt sex milljónir. Veistu meira um málið? Vísir tekur við öllum ábendingum á netfangið ritstjorn@visir.is eða í tölvupósti á einstaka blaðamenn. Fullum trúnaði er heitið.
Veistu meira um málið? Vísir tekur við öllum ábendingum á netfangið ritstjorn@visir.is eða í tölvupósti á einstaka blaðamenn. Fullum trúnaði er heitið.
Dómsmál Ofbeldi gegn börnum Kynferðisofbeldi Vændi Mest lesið Eiginmaður íslenskrar konu lét sig hverfa rétt eftir brúðkaupið Innlent Fundu lík karlmanns í Reynisfjalli Innlent „Það er ódýrast og best og fljótlegast að kála þessum dýrum“ Innlent „Ég hefði bara sagt af mér á staðnum“ Innlent Fjórir í bílnum en enginn við stýrið Innlent Yazan afar létt að vera ekki vísað frá landi Innlent Skerjafjarðarskáldið krefst afsökunarbeiðni – annars fer það í mál Innlent Kona á níræðisaldri sá björninn í þriggja metra fjarlægð Innlent Hafa „góða hugmynd“ hvar og hvenær stúlkunni var ráðinn bani Innlent Frambjóðandi Trump lýsti sér sem „svörtum nasista“ á klámsíðu Erlent Fleiri fréttir Hafa „góða hugmynd“ hvar og hvenær stúlkunni var ráðinn bani Maður sem var leitað við Vík fannst látinn Ákvörðun ráðherra viðurkenning á að mikil þekking sé fyrir norðan Biðin óásættanleg og vill skýr svör frá ríkinu Hinir grunuðu í mansalsmálinu ganga lausir Sveitarfélögin krefja ríkið svara um NPA Norðurlönd dýpka samvinnu í varnarmálum Eiginmaður íslenskrar konu lét sig hverfa rétt eftir brúðkaupið „Það er ódýrast og best og fljótlegast að kála þessum dýrum“ Bein útsending: Birting lýðheilsuvísa í Grindavík Skerjafjarðarskáldið krefst afsökunarbeiðni – annars fer það í mál Húnninn settur í frost þar til hægt verður að stoppa hann upp „Ég hefði bara sagt af mér á staðnum“ Yazan afar létt að vera ekki vísað frá landi Fjórir í bílnum en enginn við stýrið Fundu lík karlmanns í Reynisfjalli Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Sjá meira