Spila síðustu fimm mínúturnar þremur dögum eftir að leikurinn hófst

Þá voru aðeins fimm mínútur eftir af leiknum en stuðningsmenn heimsliðsins hertóku þá leikinn.

Síðustu fimm mínúturnar verða spilaðar fyrir luktum dyrum klukkan 14.00 í dag að íslenskum tíma en leikurinn er á heimavelli Molenbeek.

Staðan var 1-0 fyrir Eupen eftir skallamark frá Renaud Emond á 59. mínútu leiksins.

Báðir íslensku landsliðsmennirnir voru á vellinum þegar hann var stöðvaður. Guðlaugur Victor Pálssson byrjaði leikinn og Alfreð Finnbogason kom inn á sem varamaður fyrir fyrrnefndan Emond á 64. mínútu.

Á 85. mínútu fóru stuðningsmenn Molenbeek liðsins að kasta reyksprengjum og öðrum hlutum inn á völlinn. Leikmenn voru sendir inn í klefa en áttu að snúa aftur á völlinn. Áfram héldu stuðningsmennirnir að vera með læti og ákvað því dómarinn að flauta leikinn af.

Belgíska knattspyrnusambandið ákvað hins vegar að síðustu mínútur leiksins yrðu kláraðar og þær fara fram á sama velli í dag.

Alfreð, Guðlaugur Victor og félagar vonast til að halda út þessar lokamínútur og fagna fyrsta sigri Eupen síðan í október.