Toptul tryggir gæði og lágt verð

„Það sem einkennir fyrst og fremst verkfærin frá Toptul eru mikil gæði og lágt verð,“ segir Markús. „Fyrirtækið framleiðir eftir pöntun frá okkur sem tryggir hágæða vörur til okkar á mjög sanngjörnu verði. Vörurnar frá Toptul eru fyrst og fremst ætlaðar bifreiðaverkstæðum enda nota flest af stærri bifreiðaverkstæðum landsins verkfæri, skápa og fleiri vörur frá þessu þekkta fyrirtæki. Það er varla hægt að finna verkstæði á landinu sem eru ekki með Toptul skáp eða verkfæratösku. Utan þess hafa verkfærin og skáparnir líka verið vinsæl hjá öðrum gerðum fyrirtækja og einnig einstaklingum.“

Sindri var sett á fót árið 1949. Utan verkfæra og vara frá Toptul flytur fyrirtækið inn og selur verkfæri, vélar, loftpressur, festingavörur og vinnufatnað frá þekktum framleiðendum á borð við Dewalt, Kraftwerk, Blåkläder, Atlas Copco, Contracor, Ridgid, Knipex og Scangrip.

Toptul framleiðir einnig ýmis konar sérverkfæri fyrir ólíkar gerðir bifreiða. „Þar erum við til dæmis að tala um sérhönnuð verkfæri til að auðvelda bremsuskipti, til að skipta um dempara og ýmislegt fleira. Sum þessara verkfæra eru auk þess sérhæfð fyrir ákveðnar gerðir bíla.“

Bóndadagurinn er næsta föstudag, 26. janúar, og segir Markús tilvalið að gefa bændum landsins gjafakort í Sindra. „Verslun okkar er svo sannarlega dótabúð fyrir karlmenn og raunar konur líka. Þar ættu allir að finna eitthvað við sitt hæfi, hvort sem það eru verkfæri, vinnufatnaður eða ýmislegt annað. Einn stór kostur við gjafakortin okkar er að þau eru rafræn og því hægt að geyma í veskinu í símanum. Upphæðin sést því alltaf þar og um leið hvaða upphæð er eftir á kortinu sé það ekki fullnýtt við fyrstu kaup.“

Allt vöruúrval Sindra má finna á Smiðjuvegi 11 í Kópavogi. Einnig er Sindri með útibú í Reykjanesbæ og á Selfossi en vörur frá Sindra fást einnig í verslunum Johan Rönning á Akureyri og Reyðarfirði.

Nánari upplýsingar á sindri.is.